Ju 6:17 - Tampulma

¹⁷ Koosa fun kpa o sɔn a gbaari o vɔu ti ni di o biksi ba naa kaa wa la un di o wa zi chɔk un.

Ju 6:17 Marejeleo ya Msalaba

Jɔn 10:10

Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

Room 11:29

O wara chɛrgi o bambi a li chenani o fun lisi ba a nyɛ ba o papaha yɔri.

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

Gal. 3:29

Kristo dɔ ma. Chendaha ma zi na kin naa maga Koosa fun vɔu a nyɛ Abraham bi lulɛ ni chenu.

Ɛfɛ. 1:11

Koosa tiŋ o tutɔrɛ a li o tum maga ni. O fun te lisi ya a nyɛ o titi ni, a zi naami tɛɛnɛ nɔ maga, chen ni ya wa Yesu Kristo zi ya nibɛgimu.

Ju 11:7

Baal digirɛ ba funɛ yir Nowa, o si fun su Koosa. Chendaha o fun koti a nu ka Koosa ŋɔ un di o kaa kpa nire a su tɛɛnɛ nɔ maga. Nowa fun tiŋ Koosa nɔ a koori arŋa. O funɛ kɔɔri un peti, o wa o walɛ fun zu o tuha ka Koosa yisi ba a li ni ti ni. Tɛɛnɛ nɔ tim maga fun siti, domi ba se wa fun su Koosa. Amaa Nowa si funɛ su unu. Chendaha Koosa bu vɛ na o galimsa.

Ju 11:9

O funɛ la tel pulum naa Koosa fun vɔu di o nyɛ un chen, o funɛ ya hɔɔrrɛ dooni. O wa o bisa, Aizik awa Jakɔb, funɛ nyɛn lɛwa nɛɛ. Ba gbanko fun a bɔni chenani Koosa fun vɔu a nyɛ Abraham ni chen.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

Ju 6:16

Nibine vɔu wu digi, o yaa hɛɛsi sɔn naa kaali o sɔnnɛ di o biksi nara di o zi nyɛ o ya wutiu. Chenani o hɛɛsi chen kok un a li amɔrɛ diili ni.

Ju 6:18

Koosa ya wuti tiina a vɛ chɛrgi o bambi. Chenani o fun kpa o sɔn ti a gbaari o vɔu ti ni kpami ya kinkan. Ya naa funɛ chɔ la Koosa wati di o suŋi ya koti a kpak nɛnɛ a li chenani ya kpak bambi bɛgim ni di o zi wa kpa o kinau a nyɛ ya wuzu digi.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 3:7

Nibaala, ma wa ma haanasa lagmi nyɛn nɛha ni. Ma kpok kaali ba kpok. Chendaha maa nyɛ ba jirima. Ma wa ba piin la Koosa mi fali ti. Ma vɛ ya chen, ma sumi zi tɔu.