Ju 6:11 - Tampulma

¹¹ Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.

Ju 6:11 Marejeleo ya Msalaba

Mat. 24:13

Nar di kanyita a vusi hali muksi ti wa peti, Koosa zi wa la o nyuhau a nyɛ un.

Luk 1:1

Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

1 Kɔr. 13:13

Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

Gal. 5:5

Ya titi kpak bambi bɛgim di wuzu digi Koosa wa zi bu na ya galimsa hali o wa peti. O funɛ kpa o siim weri kpok tiu a du ya ni di ya se su un. Chendaha ya koti a pɔ Koosa di o wa ya chen.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Filip. Tima 3:15

Ya naa maga la tiŋ Kristo aa kpak un nɛnɛ, ya maga kilisi chen. Ma bɔnɛ vɛ la nɔɔni chenani mu sɔbi chen, Koosa zi suŋi mau ma zim chenani mu biksi ma.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

1 Tɛs. 4:10

Ya zimu di maa daŋni Yesu nitiŋɛ ba naa maga nyɛn Masɛdonia pulum ni. Adaha ya sumi mau ma ha vɛɛn kitum chen a gbaari.

2 Tɛs. 3:13

Mu niinbisa, ma ta wa ku wa tum were tumi ni.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

2 Pita 1:10

Mu niinbisa, Koosa fun lisi ma a yir ma. Chendaha ma nyɛ ma se sɛri a gbaari, chen ni ma zi a kpaku nɛnɛ. Ma kpak chen nɛnɛ, ma wa zi kut nyuksi o nyinbaan ti,

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Jɔn 3:19

Yaa ya chen, ya zimu di yaa tiŋ chenani Koosa daŋni ya tiŋnɛ. Chenani yaa tiŋ un nyɛ ya tusa chɔk, o zi zim ya bambe niu domi o zenu a kaali ya a zim kina maga.

JɔnN Deesi 2:26

Ma kpak nɛnɛ a sɔɔni mu tuha hali a la tel o bɔ, mu zi vɔti ma mu koorsau ma dɔ tɛɛnɛ nɔ tim maga.