Ju 4:15 - Tampulma

¹⁵ Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.

Ju 4:15 Marejeleo ya Msalaba

Mat. 12:20

O zi wa suŋi fara tima ba naa chi kɔ borke chenu. O zi wa kpa o kpok a nyɛ jɛɛgɛ tima ba naa chi fitin nyiksi ni. O wa zi wa gil nan yaali hali o biksi ti wa di.

Mat. 4:1

Wuzu digi Koosa siim weri ti fun te Yesu suwachak a kaali kɔha. Sintana funɛ daŋni o la pu Yesu dooni a zaamsi un.

Luk 22:28

“Nara tima biksi bɔmu ka ba bɔnɛ muksi min kinkan. Amaa ma se su min ka ma chiŋi mu gantɛl ni.

Luk 4:2

Sintana fun zaamsi un dooni wuzu fumnaasi ka o vɛ di kundɔŋ. Wuzu fumnaasi ti gantɛl nɛɛ, lɔsa fun kpak un kinkan.

Jɔn 8:46

Nandigi nyɛn ma ni a la zi biksi min di mu tum galimsi tumauu? Nandigi wa to. Mu yaa ŋɔ ma wuti tiu, ka yɛrɛ ma se vɛ su chenani mu ŋɔ ma?

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 5:2

Ju tima Koosa dam kɔkɔɔra titi wa fun kpak kpok di o tum tum were saha maga. Chendaha o ya jɛrgɛ wa ba naa la tum tum tagna a vɛ koti a tiŋ Koosa chiksɛ ta nɛnɛ.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

1 Pita 2:22

O wa fun kut a tum tum tagin. O wa fun suni wɛ a nyɛ nara ni.

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.