Ju 4:14 - Tampulma

¹⁴ Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 4:14 Marejeleo ya Msalaba

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Maak 1:1

Koosa laaboor weri piili nɛɛnɛ. O ya o be Yesu Kristo wɛwa.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Luk 24:51

O funɛ sumi Koosa a du ba ni chene, a zini kaali buudaha Koosa wati.

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

Tuma 3:21

Koosa funɛ nyɛ o witinsa ba naa o fun lisi a nyɛ o titi ni, mɔɔliu saha digi di wuzu digi o zi wa nyɛ kina maga burgi kifalɛu. O lawa Yesu kpalimi Koosa tɔhɔn ti niu hali saha ti wa tel.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

2 Kɔr. 12:2

Bun fidanaasi gantɛl ni, Koosa fun lisi min a zini a zu o tɔhɔn ti. Mu wa zim di o funɛ ya nan koo o chi mu funɛ deesiu. O duŋduŋ zim chen.

2 Kɔr. 9:13

Ma suŋi ba kinkan chen ni, ma biksi narawa di maa tiŋ Koosa laaboor weri ti Yesu Kristo wɛ nɛnɛ. Ba zi nyɛ Koosa jirimau, domi ma waa la suŋi ba awa nara maga kinkan.

Ɛfɛ. 4:10

O saha funɛ wa peti tɛɛnɛ nɔ maga ni, o fun bur a zini a kaali Koosa nihɛɛ bar kani di o su kin naa maga Koosa fun naami.

Ju 1:8

Amaa Koosa funɛ ŋɔ o be ti wɛwa, “I waa naa ya Koosa, i koor ti zi nyɛnu hali saha naa vɛ kpak bɔ. I dɔɔli maga deŋlu.

Ju 10:12

Kristo funɛ sou ya daha, o fun a burgi ya kɔɔra a chiŋi ya tum tagna bar chiŋi ni bu bɛgim. O funɛ wa si o sou ni, o fun zini a zu Koosa tɔhɔn ti a la kani Koosa nihɛɛ bar kani ni. O kɔɔri nɔ zi chiŋiu hali saha naa vɛ kpak bɔ.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Ju 10:29

Nan funɛ du Ju tim ta ni chen saha digi, yɛrɛ o fu zi du ba naa kpa Koosa be a dau gbampulim ni a nɔsi? Ba kpa o chɛl naa chaksi ba bambe a nyɛ Koosa wa ba ya nɔ bɛgim a ŋɔ di o ya yɔrirɛ a pini Koosa siim weri naa la suŋi ba, zoma, ma wa lisi di Koosa zi wa lɛrgi ba diŋsau a kaali chenani Ju tim ta fun lɛrgi ba naa funɛ vɛ kpak wu digi wa Koosa chiksɛ saha digi chen diŋsauu?

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 2:1

Chendaha o lawa ya kpaku nɛnɛ a li wuti biksi naa ya fun a nu a gbaari ni. Ya ya chen, ya wa zi a bur Koosa wuti nyinbaan ti ni.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 6:20

Yesu ya ya Koosa dam kɔkɔɔra a chi Mɛlkizidɛk hali saha naa vɛ kpak bɔ. Waa funɛ te ya suwachak a la zu dooni ya daha.

Ju 6:6

O funɛ ya nan magwa a nyɛ ba ka ba bur o tiŋi ni. O chi ba funɛ kpaasi Koosa be ti a mari o daakakli ti chene a nyɛ nara bu na o hiisa gbampulim ni. Chendaha ba vɛ koti a gil ba tum tagna bilɛ tiina.

Ju 7:3

Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.

Ju 8:1

Nan wu birigirɛ ya daŋni ya ŋɔ ma. Yesu naa ya ya Koosa dam kɔkɔɔra, kani Koosa naa zene a kaali kina maga, nihɛɛ bar kani ni a li o tɔhɔn ti ni.

Ju 9:12

Kristo funɛ la zu lɛu naa Koosa fun du o tɔhɔn ti ni chen tuha a kaali doonani Koosa fun lisi kinkan a kpalimi dooni, o wa fun kpa buuna awa nupɔla chɛllɛ a nyɛ un dooni. O ka fun kpa o titi chɛl a nyɛ un, chen ni o zi kotiu a yisi ya a li ya tum tagna ni ya tiŋ un hali saha naa vɛ kpak bɔ.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.