Ju 13:15 - Tampulma

¹⁵ Yesu yaa suŋi ya yaa pɛgi Koosa a la ŋɔ nara o wɛ. Chenani ya ya chen chi kɔɔrrɛ ya kpa a nyɛ un.

Ju 13:15 Marejeleo ya Msalaba

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Luk 10:21

Chen saha ti Koosa siim weri ti funɛ nyɛ Yesu tu sɔɔniu kinkan. O fun sumi Koosa a ŋɔ, “Mu kunyana, koor naa dɔ buudaha awa tɛɛnɛ maga ni. Kin nawara i fun kpa sogli a li ninɛɛgɛ wati chen, i funɛ kpa biksi ba naa ya nyu bilim timwa. Mu kunyana, i funɛ tum chenani i titi daŋniu.”

Jɔn 10:9

Ba naa maga nyɛ mu yisi ba a li ba tum tagna ni chi piisisi naa yaa wa zu a bol a li di diwe chene.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 6:19

O bɔmu di ma zim kin nama mun. Chendaha mu ŋɔ ma a li ma nyɛni ni. Saha digi ma yaa fun kpa ma titiu a tum chɔkumsa tuma awa tum tagna bɔnɛ a gbaari. Lalaknɔ ma kpa ma titi aa tum tum were.

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.