Ju 12:24 - Tampulma

²⁴ Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 12:24 Marejeleo ya Msalaba

Mat. 23:35

Ma nawaalsi ta funɛ te kpu nar ba yir Abel naa nin funɛ vɛ nyɛni chen. Ba funɛ kpu nibin were damatiwa. A gantɛl nɛɛ ba fun kpu Zɛkaraya, Barakaya be, gbanko a dugli bar kɔɔri ti a li Koosa bar jɛɛmi dam ti ni. Koosa zi lɛrgi ma diŋsau a ŋɔ di ma wa dɔ ba naa maga nisa vɛ nyɛni nan sou.

Mat. 26:28

N zi kpa unu a nyɛ nidamata ni, chen ni Koosa zi gil ba tum tagnau a nyɛ ba. Mu ya chen, chen la zi biksi di o wa nara ya nɔ bɛgimnɛ.

Maak 14:24

Yesu fun ŋɔ ba, “Mu chɛl nɛɛnɛ. N zi kpa unu a nyɛ nidamata ni. Mu ya chen, chen la zi biksi di Koosa wa nara ya nɔ bɛgimnɛ.

Luk 11:51

Ma nawaalsi ta funɛ te kpu nar ba yir Abɛl a fun wa tiŋ gantɛl a kpu Zɛkaraya gbanko a dugli bar kɔɔri ti a li Koosa bar jɛɛmi dam ti ni. Wutirɛ n ŋɔ ma chen, Koosa zi lɛrgi Ju tima ba naa nyɛn zinan diŋsau a ŋɔ di ba wa dɔ a naa maga siti nan.

Luk 22:20

Kinyɔɔli naa ma purigi a bɔni dɔŋ chen, ya mu chɛllɛ. Chenani mu kpa nyɛ ma nan, biksi nara di Koosa wa ba ya nɔ bɛgimnɛ.

Gal. 3:20

Amaa Koosa funɛ kpa o vɔwi ti a nyɛ Abraham ni, o wa fun te kpa un a nyɛ malaikasi ta koo nandigi ni.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 11:28

Chenani o si fun su Koosa nyɛ o tiŋ Koosa nɔ a ŋɔ Ju tim ta ni di ba kpu sela a kpa a chɛl a misi ba dɛ zɔɔnɔsa ni, chen ni o malaika naa kpa sou a wa chen, o zi wa valu a gali ba bichɛsa ba naa ba te lul chen niu.

Ju 11:4

Baal digirɛ ba funɛ yir Abɛl, o se fun su Koosa. Chendaha o kɔɔra naa o fun kpa nyɛ Koosa ni zen a kaali o niinbe Keen kɔɔra. Koosa fun a la o papaha a bu vɛ na o galimsa domi o se su un. Abɛl fun sou, amaa o tuma ha vɛɛn a biksi yau.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

Ju 7:22

Nan daha, ya zimu di chenani Yesu nyɛ ya wa Koosa ya nɔ bɛgim kaali chenani Ju tim ta wa un fun ya nɔ bɛgim.

Ju 8:13

Koosa funɛ ŋɔ di o wa o nara zi bu ya nɔ bɛgimu, o biksi ya di chenani o wa ba fun te tum fun burgi kibuni. Kin naa maga la burgi kibunɛ a gbaari zi ya yɔriu lalaga.

Ju 8:6

Tum naa Koosa fun kpa a nyɛ Yesu ni di oo tum o tɔhɔn ti ni, waa zenee a kaali chenani Ju tim Koosa dam kɔkɔɔrsi ta tum, kinkan. Chenani Yesu fun nyɛ Koosa wa ya ya nɔ bɛgim kaali chenani Koosa wa Ju tim ta fun te ya nɔ bɛgim saha digi, domi o nyɛ Koosa wa nyinbaannɛ di o suŋi ya kinkan. Chenani o fun vɔu di o suŋi ya zenee a kaali chenani o vɔu di o suŋi ba.

Ju 8:8

Koosa funɛ na Ju tim ta galimsau saha digi. Ba fun sɔbi a li o sɛm tɔn ti ni di o ŋɔ, “Wuzu digi mu wa Ju tima ba naa ya Juda bi lulɛ, zi bu ya nɔ bɛgimu.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

Ju 9:19

Chen saha ti Mosis fun a biksi Ju tim ta chiksɛ naa maga Koosa fun kpa a nyɛ ba. O fun kpa nupɔla awa buuna a lisi a chɛl a lagmi ni ni. O fun kpa kiduha naa ba yir ‘hisɔp’, awa piisi pusa naa ba kpa tau kisɛm ni, a kpa lagmi dɔŋ ni a vɔu a tau ni wa chɛl ti ni a misi du Koosa chiksɛ tɔn awa nara tima maga ni.

Ju 9:21

Mosis gbanko fun kpa ni wa chɛl ti a misi Koosa lɛu naa ba du nyabaan ti ni awa kin naa maga ba kpa a jɛɛmi un.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.