Ju 12:11 - Tampulma

¹¹ Ya nyama funɛ buksi ya akoo Koosa la buksi ya, chen nyɛ ya tusa chɔku tama. O wa peti, ya zimu di o funɛ wer a nyɛ yau, domi o funɛ nyɛ ya tum tum werewa a kpak bara sɔɔna aa gbaari.

Ju 12:11 Marejeleo ya Msalaba

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

2 Kɔr. 4:17

Ya namsi naa ya namsi nan, a wa zi vusi. A wa peti, Koosa zi zeru a li o jirima zenzen naa vɛ kpak bɔ ni, a nyɛ ya. O jirima zenzen nɔ kaali ya lalaknɔ namsi kinkan.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Ju 12:10

Ya nyama funɛ buksi ya tama, a tiŋ ba titi tutɔ. Chenani Koosa buksi ya a la suŋi ya kaali chen, chen ni wuzu digi ya zi wa burgi tu chaan timau a chi un.

Ju 5:14

Yesu nitiŋɛ ba naa zim Koosa wuti biksi ti nɛnɛ, ba waa zim kiwere awa kitagna. Ba waa chi ba naa biee a di ku chen.

1 Pita 1:6

Ma nyɛ ma tusa sɔɔni kin nama daha. Lalaknɔ sintana la zaamsi ma a li wu kurgɛ ni, chen ni ma tusa zi chɔku wuzu bilɛ.

2 Pita 2:14

Saha maga ba dɛu nihaana a daŋni ba, chen ni ba wa ba zi tum chɔkumsi tumau. Baa tum tum tagniwa a vɛ puŋi. Ba kpa ba naa vɛ kpak kpok a mo ba lo. Ba ya se timwa kinkan. Chendaha Koosa fun ŋɔ nɔ a nyɛ ba.