Ju 11:33 - Tampulma

³³ Ba fun la chem laal a nyaŋi koor zene. Ba yaa funɛ tum tum werewa a la kin nawara Koosa fun vɔu di o nyɛ ba. Nara fun kpa ba a du doonani gbogumtisa nyɛn,

Ju 11:33 Marejeleo ya Msalaba

Mat. 5:12

Chene nibinsa funɛ muksi Koosa witinsa ba naa funɛ nyɛn saha digi chen kinkan. Koosa funɛ kpa o papaha zenu a chiŋsi o tɔha ni di o nyɛ ma. Chendaha ma nyɛ ma tusa sɔɔni kinkan.”

Gal. 3:16

Ba fun bukoo sɔbi a li Koosa sɛm tɔn ti ni a ŋɔ, “Koosa funɛ kpa o vɔwe a nyɛ Abraham awa o be luli ni.” Ba wa fun sɔbi di o kpa a a nyɛ Abraham awa o bi lulɛ ni. O mun ya di o funɛ kpa a a nyɛ nibin bɛgim duŋduŋ nɛɛ. Chen tiina ya Kristo.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 11:17

A gantɛl nɛɛ Koosa fun tiŋ chenani o fun vɔu a nyɛ Abraham ni a nyɛ o lul be, a du un Aizik, o fun zaamsi un a ŋɔ un di o kpa o be a la kɔɔri kɔɔra a nyɛ un. Abraham funɛ saksi di o kpu o be ti, o si ha fun vɛɛn su Koosa.

Jems 2:18

Amaa ma nidigi zi ŋɔ o dɔŋtiin niu, “Mu si su Yesu ka i tum tum were.” Mu zi ŋɔ unu, “Biksi min chenani nar si su Yesu ka o vɛ tum tum were. Chenani mu tum tum were biksi nara di mu si su Yesu.”

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.