Ju 11:13 - Tampulma

¹³ Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Ju 11:13 Marejeleo ya Msalaba

Mat. 13:17

Ma nyɛ mu ŋɔ ma, Koosa witinsa nidamata awa tum were tima funɛ daŋniu kinkan di ba na kin nawara ma na, amaa ba wa fun koti a na a. Ba funɛ daŋniu kinkan di ba nu sɛm naa ma nu, amaa ba wa fun koti a nu a.”

Jɔn 12:41

Azaaya funɛ na Yesu jirima awa chaani kinkanu a chi o deesi. Chendaha o fun sɔbi nan.

Jɔn 8:56

Ma nawaal Abraham tuha funɛ sɔɔniu di mu zi wa tɛɛnɛ nɔu.”

Room 4:21

O fun kpak bambi kinkan di Koosa zi tum chenani o sɛmu.

Room 8:24

Koosa funɛ yisi ya a li ya tum tagna ni, o fun nyɛ ya kpak bambi bɛgim di wuzu digi o zi wa ya chenu. Ya piin dɔ kundɔŋ, ya wa ya kpak bambi bɛgim un ni.

2 Kɔr. 4:18

Ya baga wa to tɛɛnɛ nɔ maga kin nawara vɛ vusi ni. Ya baga ka nyɛnu a li kin nawara Koosa zi wa kpa nyɛ ya wuzu digi ni. A waa la zi nyɛn hali saha naa vɛ kpak bɔ.

2 Kɔr. 5:6

Chendaha ya kpak tu sɔɔna saha maga. Ya zimu di ya nyɛn lalaknɔ nan, ya ha wa kikoti a chiŋi ya kunyan ti suwachak ni.

Ɛfɛ. 2:19

Ma naa vɛ ya Ju tima, wa bu ya hɔɔra. Ma wa Koosa nara lagmi dɔŋ ni a li Koosa walɛ ni.

Ju 11:14

Ba naa funɛ biksi nara chen, funɛ nyini ba bar nyɛni.

Ju 11:17

A gantɛl nɛɛ Koosa fun tiŋ chenani o fun vɔu a nyɛ Abraham ni a nyɛ o lul be, a du un Aizik, o fun zaamsi un a ŋɔ un di o kpa o be a la kɔɔri kɔɔra a nyɛ un. Abraham funɛ saksi di o kpu o be ti, o si ha fun vɛɛn su Koosa.

Ju 11:27

Chenani o si fun su Koosa nyɛ o vɛ ɔm Ijipt tim koora a yisi Ju tim ta a li dooni. O wa fun a bur nyinbaan ti ni. O funɛ chi o na Koosa naa nandigi vɛ koti a naalirɛ.

Ju 11:39

Koosa la biksi ya a li o sɛm tɔn ti ni di chenani ba se su un sɔɔni o tuha kinkan. Hali ba fun a namsi a kaali nara maga, amaa ba wa fun la kin naa maga Koosa fun vɔu di o nyɛ ba.

1 Pita 1:1

Mu waa, Pita, naa ya Yesu Kristo nitumi, la sɔbi tɔn nɔ a nyɛ ma naa nyɛn Pɔntus, Galesia, Kapadosia, Azia awa Baitinia pulumsi ni. Ma ya hɔɔrawa tɛɛnɛ nɔ maga ni. Koosa funɛ lisi ma a nyɛ o titi ni.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

1 Jɔn 3:19

Yaa ya chen, ya zimu di yaa tiŋ chenani Koosa daŋni ya tiŋnɛ. Chenani yaa tiŋ un nyɛ ya tusa chɔk, o zi zim ya bambe niu domi o zenu a kaali ya a zim kina maga.