Ju 11:10 - Tampulma

¹⁰ Amaa Abraham funɛ pɔu di o na tɔhɔn naa Koosa titi fun sa. O tɔhɔn ti kpak zɛchik weri a nyɛn hali saha naa vɛ kpak bɔ.

Ju 11:10 Marejeleo ya Msalaba

Jɔn 14:2

Damsi kinkan nyɛn doonani mu nyan ti nyɛn. Mu wa la dooni, mu zi kɔɔri bɔnɛu a chiksi ma. Nan vɛ yaali, mu fu wa zi ŋɔ ma.

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

Filip. Tima 3:20

Ya waa ka ya Koosa tɔhɔn ti nara. O nyɛn ya bambe niu di ya pɔ ya kunyan Yesu Kristo naa funɛ yisi ya a li ya tum tagna ni ya tiŋ un, o wa bur a li dooni a wa.

Ju 11:16

Amaa ba funɛ daŋni ba zu tɔhɔn naa Koosa titi fun sarɛ. Tɔhɔn ti zen kaali pulum naa ba li chen ni kinkan. Koosa tuha sɔɔni di ba yir un ba Koosa. Chendaha o fun saksi ba bar nyɛni a li o tɔhɔn ti ni a nyɛ ba.

Ju 12:22

Ma wa chi ba. Ma funɛ dugli bi naa ba yir Zaiyɔn ka o nyɛn Koosa tɔhɔn ti ni. Doonee Koosa naa nyɛnɛɛ, awa o malaika damata ka ba vɛ koti a gur a, nyɛn. Ba funɛ yir dooni Jɛrusalɛm titi.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

Ju 13:14

Ya wa kpak bar nyɛni a la zi nyɛn tɛɛnɛ nɔ maga ni a vusi. Ya pɔ Koosarɛ di o wa kpa ya a la zu o tɔhɔn ti.

Ju 3:4

Damsi maga kpak a nisalɛwa, amaa Koosa duŋduŋ funɛ naami kina maga.

JɔnN Deesi 21:2

Mu gbanko fun na Koosa tɔhɔn naa o fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga. Ba funɛ yir un Jɛrusalɛm fali, domi o funɛ naami unu di o chiŋi kibuni ti bar chiŋi ni. O funɛ chi chenani nihaan yaa saksi di o yu baal chene.