Ju 10:36 - Tampulma

³⁶ Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 10:36 Marejeleo ya Msalaba

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 12:50

Ba naa maga la tum chenani mu kunyana Koosa naa nyɛn o tɔhɔn ti ni daŋni ba tum, ba waa ya mu numa awa mu niinbisa.”

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 24:13

Nar di kanyita a vusi hali muksi ti wa peti, Koosa zi wa la o nyuhau a nyɛ un.

Mat. 7:21

“Koosa wa zi wa dɔ ba naa maga wa mu wati a yir min ba kunyana. Ba naa la tum chenani mu kunyan Koosa naa nyɛn o tɔha ti ni daŋni ba tum, waa la zi wa dɔ ba.

Maak 3:35

Ba naa maga la tum chenani Koosa daŋni ba tum, ba waa ya mu numi ta awa mu niinbisi ta.”

Luk 21:19

Ma di kanyita a vusi hali namsi ti wa peti, Koosa zi wa la ma nyuunau a nyɛ ma.”

Luk 8:15

Kiduha naa funɛ chesi tɛɛn weri ni chen chi ba naa nu laaboor weri ti ka ba bambe kpak un a tiŋ un nɛnɛ. Ba waa kpak kanyita a lulsi kinkan.”

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Tuma 13:22

Doone Koosa fun lisi un a li o koor ti ni a nyɛ Devid chiŋi o bar chiŋi ti ni. Ba funɛ sɔbiu a li Koosa sɛm tɔn ti ni di Koosa funɛ ŋɔ o wɛu, ‘Mu zimu di Devid, Jɛsɛ be, ya naa mu bambi daŋni, domi o zi tum chenani maga mu daŋni o tumu.’

Tuma 13:36

Devid funɛ kpak miisa, o funɛ tiŋ Koosa nɔu hali a wa sou. Ba fun kpa un a sogli a dugli o nawaalsi ta hugilsa ka o fun pɔ,

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

Room 8:25

Ya kpak bambi bɛgim a li kin naa ya ha vɛ kpaki ni, ya pɔ a wa kanyita ni.

1 Kɔr. 13:7

Nibine naa la daŋni nara wa na namsi, o wa zi gil nara daŋni a vɛɛn tiŋ Koosa. Kina maga yɛɛ, o yaa lisi wu werewa a nyɛ ba, a kpak bambi bɛgim wa ba ni.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

Ɛfɛ. 6:6

Yosi bɔnɛ yaa tum kinkannɛ a li ba kunyan se ni. O wa kaali, ba gil. Ma ta tum a chi ba. Ma lisi di Yesu Kristo dɔ ma lalaknɔ. Ma kpak un ma bambe ni aa tum chenani o daŋni maa tum saha maga.

Kɔl. 1:11

a kpak kpok kinkan a li o kpok zen ti ni. Ma kpak o kpok ti, ma zi kotiu a kpak kanyita wɛ maga ni. Ma wa na namsi, ma zi kotiu a di un wa tu sɔɔn ni,

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

Ju 11:39

Koosa la biksi ya a li o sɛm tɔn ti ni di chenani ba se su un sɔɔni o tuha kinkan. Hali ba fun a namsi a kaali nara maga, amaa ba wa fun la kin naa maga Koosa fun vɔu di o nyɛ ba.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

Ju 6:17

Koosa fun kpa o sɔn a gbaari o vɔu ti ni di o biksi ba naa kaa wa la un di o wa zi chɔk un.

Ju 9:15

Chendaha Kristo fun nyɛ nara awa Koosa bu ya nɔ bɛgim, chen ni ba naa o fun yir zi la kiwere naa o fun vɔu di o nyɛ bau. Kin tima zi nyɛnu a hali saha naa vɛ kpak bɔ. Saha naa Koosa awa Ju tim ta fun te ya nɔ bɛgim chen duŋduŋ funɛ chiŋi, Kristo fun sou a nyɛ ya, chen ni Koosa zi la ya nyuunau a nyɛ ya a yisi ya a li ya tum tagna ni ya tiŋ un.

1 Pita 1:9

Ma se un daha, o zi wa yisi mau a li ma tum tagna ni hali a wa peti.

1 Jɔn 2:17

Tɛɛnɛ nɔ maga awa kin nawara nara daŋni, a maga wa zi vusi, amaa naa tiŋ Koosa tutɔ, waa la zi wa na o mi fali naa vɛ kpak bɔ.

JɔnN Deesi 13:10

O ya Koosa tutɔrɛ ba zi wa kpaksi ma bɔnɛ a tɔ dɛ a kpa chisi zene a kpu ma bɔnɛ. O lawa ma naa ya Koosa nara di ma namsi wa kanyita niu a kpak nɛnɛ hali o bɔ wa tel. Kin nama zi sir yau.

JɔnN Deesi 14:12

Chendaha o lawa Koosa nara ba naa la tiŋ Koosa chiksɛ nɔ ka ba vɛ bur Yesu tiŋi ni, ba li lalaknɔ namsi wa kanyita niu.