Ju 10:22 - Tampulma

²² Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 10:22 Marejeleo ya Msalaba

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Luk 1:1

Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Jɔn 8:9

Ba funɛ nu o sɛm ta, nihɛɛti ta fun te a li nibɛgim bɛgima hali ba wa bichɛsi ta maga wa li. Yesu wa nihaan ti duŋduŋ funɛ kpalimi dooni.

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”

Tuma 8:21

I wa ya wa ya nibɛgim, domi i tuha wa deŋli Koosa suwachak ni.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Ɛfɛ. 3:12

Domi ya se su un ka ya wa un ya nibɛgim, ya kpak bambe a vɛ ɔmi di ya la Koosa suwachaku.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Ɛfɛ. 6:5

Yosa, maa nyɛ ma kunyama wa jirima kinkan aa tiŋ ba nɔɔna ma bambe ni, a chi chenani maa tiŋ Yesu Kristo.

1 Tim. 4:2

Biksi nɔ li nusun tima ba naa la daŋni ba mur nara nɛɛ. O bak ka wu bu to wu were koo wa tagna ni.

Tait. 3:5

o fun yisi ya a li ya tum tagna ni yaa tiŋ un. O wa fun ya chen ya titi tum were daharɛ, amaa o ka funɛ ɔm ya sikirɛ. O fun kpa o siim weri a du ya ni, di o chaksi ya tum tagna a li ya ni a kpa o mi fali ti a nyɛ ya.

Ju 10:1

Koosa chiksɛ naa nyɛ Ju tim ta yaa fun kɔɔri kɔɔra a nyɛ Koosa ni bun kam, wa koti a yisi ba naa wa o wati, a li ba tum tagna ni hali a wa peti. Chendaha a waa ya kibirige naa Kristo zi ya nyɛ ya simsimsa duŋduŋ.

Ju 10:19

Mu niinbisa, domi Yesu funɛ sou a nyɛ ya, ya na nyinbaanu lalaknɔ di ya zu lɛu ti dɛ mun dɛ ti doonani Koosa nyɛn.

Ju 11:28

Chenani o si fun su Koosa nyɛ o tiŋ Koosa nɔ a ŋɔ Ju tim ta ni di ba kpu sela a kpa a chɛl a misi ba dɛ zɔɔnɔsa ni, chen ni o malaika naa kpa sou a wa chen, o zi wa valu a gali ba bichɛsa ba naa ba te lul chen niu.

Ju 12:24

Ma funɛ wa zim Yesu naa funɛ nyɛ Koosa wa nibinsa bukoo ya nɔ bɛgim. O chi o kpa o chɛl tirɛ a misi ma bambe ni di o chaksi a. O chɛl ti zenee a kaali Abɛl naa o maana Keen fun kpu, chɛl.

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.

Ju 6:11

Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.

Ju 7:19

Chenani ya fun tiŋ Ju tim ta chiksɛ wa fun nyɛ Koosa bu vɛ na ya galimsa. Amaa lalaknɔ ya kpak bambi bɛgim a li naa nyɛ ya wa dugli Koosa.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

Ju 9:19

Chen saha ti Mosis fun a biksi Ju tim ta chiksɛ naa maga Koosa fun kpa a nyɛ ba. O fun kpa nupɔla awa buuna a lisi a chɛl a lagmi ni ni. O fun kpa kiduha naa ba yir ‘hisɔp’, awa piisi pusa naa ba kpa tau kisɛm ni, a kpa lagmi dɔŋ ni a vɔu a tau ni wa chɛl ti ni a misi du Koosa chiksɛ tɔn awa nara tima maga ni.

Jems 1:6

Ma sumi Koosa, ma nyɛ ma se su un a ta beeli. Nibin beeli chi chenani peha yaa mo ni a la suwachak awa gantɛl chene.

Jems 4:8

Ma wa dugli Koosa, o gbanko zi wa dugli mau. Ma naa la tum tum tagna, ma sɛm ma nisa a li ma tum tagna ni. Ma bambi bilɛlɛ tima, ma chaksi ma bambe a li ma lisi bilɛlɛ ta ni.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,