Ju 1:6 - Tampulma

⁶ Koosa funɛ tum o be bɛgim tɛɛnɛ nɔ maga ni, a fun ŋɔ o wɛ, “Nyɛ mu malaikasi ta maga kijɛɛmi un.”

Ju 1:6 Marejeleo ya Msalaba

Mat. 24:14

Nibinsa zi wa kpa Koosa laaboor weri tiu a biksi nara di Koosa daŋni o dɔ bau. Nara maga zi wa na nyinbaanu a nu o laaboor weri ti ka tɛɛnɛ nɔ maga peti.”

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Kɔl. 1:18

Waa ya ba naa tiŋ un chen, nyuhu tiina. Ba naa tiŋ un chen chi o barawa. Waa nyɛ ba o mi fali ti. Koosa funɛ te lɛli un a li o sou ni, chen ni o duŋduŋ la zi te kina maga suwachak.

Ju 1:5

Ba funɛ sɔbi a li Koosa sɛm tɔn ti ni di o ŋɔ, “Zinan mu fa biksi narau gbampulim ni di mu ya i nyana.” Ba gbanko fun sɔbi di o ŋɔ, “Mu zi ya o nyanau ka o kaa ya mu be.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,