Jɔn 8:47 - Tampulma

⁴⁷ Ba naa ya Koosa bisa yaa nu o sɛmau. Ma waa wara daŋni ma nu a. Chen biksɛɛ di ma wa ya o bisa.”

Jɔn 8:47 Marejeleo ya Msalaba

Jɔn 12:48

Tɛɛnɛ nɔ maga siili saha wa tel, sɛm nawara mu fun sɛm zi wa di ba naa funɛ vɛ min awa mu sɛma sɛriau.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 5:25

Maa nu mu wati nɛnɛ. Saha ti piin telu di ba naa chi siwɛ ba tum tagna daha zi wa nu min, Koosa be, tau, ka mu zi wa lɛli bau a li ba sou ni.

Jɔn 6:65

Doone Yesu fun bu ŋɔ ba, “Chendaha mu fun piin ŋɔ ma di nandigi wa kikoti a wa mu wati see mu nyan ti gbaŋ un a wa mu wati.”

Jɔn 8:37

Mu zim di ma ya Abraham bilulɛwa, amaa ma bɔnɛ daŋni ma kpu minu, domi mu biksi ti wara zu ma diŋsi ni.

Jɔn 8:43

Ma wara koti a nu mu biksi ti, domi ma nyinbaan tɔu.

Jɔn 8:45

Mu waa ka ŋɔ ma wuti ti wɛwa, amaa ma wa nyɛ ma se su chenani mu sɛm ma.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.