Jɔn 8:44 - Tampulma

⁴⁴ Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Jɔn 8:44 Marejeleo ya Msalaba

Mat. 12:34

Ma chi dumwa. Maa tum tum tagniwa, yɛrɛ ma kaa ya a sɛm sɛm were? Ma sɛm chenani nyɛn ma bambe nee.

Mat. 13:15

Nar nama bambe situ. Ba tɔ ba diŋsiwa awa ba se gbanko. O vɛ ya chen, ba bambe fu zi lisiu ka ba nu mu sɛma a koti a na. Ba bambe zi chɛrgiu, chen ni mu gil ba tum tagna a nyɛ ba.’

Mat. 13:38

Ŋmaha ti ya tɛɛnɛ nɔ maga. Mɛ ta ka ya ba naa Koosa dɔ. Kɔsi ta ka ya ba naa sintan dɔ.

Jɔn 6:70

Yesu fun ŋɔ ba, “Mu funɛ lisi ma nara fidalɛwa a li mu gantɛl tiŋsi ta ni, amaa ma nidigi ya sintana nibinere.”

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Jɔn 8:38

Mu wa mu nyan ti funɛ nyɛn, o funɛ biksi min wu damatiwa. Mu ŋɔ ma a wɛu lalaknɔ. Maa tum chenani ma nyan fun biksi marɛ.”

Jɔn 8:41

Ma ya chen, nyan digi naŋgerire ma zer.” Ba fun ŋɔ un, “Ya wa ya sambisa a chi nibin bɔnɛ. Ya nyan wuti ya Koosa titi.”

Jɔn 8:55

Ma wa zim un, amaa mu waa ka zim unu. Mu fu ŋɔ di mu wa zim un, mu fu zi ya nusun tiinau a chi ma ya nusun tim chen. Mu zim unu aa tiŋ o nɔ.

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

Tuma 24:9

Ju tim ba naa Tatolos fun chiŋi ba gantɛl ni a sɛm a nyɛ chen, fun ŋɔ di o sɛm ta ya wutirɛ.

Tuma 5:3

Pita fun wa pɛɛsi un, “Ananias, i yogli i tɛɛnɛ ti chen, baŋnɛ i yisi malɛ ta bɔnɛ a pusi? Baŋnɛ i nyɛ sintana zu i bambi a daŋni o mur Koosa siim weri ti nan ni?

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

2 Pita 2:4

O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

1 Jɔn 1:8

Ya sɛmɛɛ di ya wara tum tum tagna, yaa mur ya titirɛ. Ya wa kpak wuti.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

1 Jɔn 2:4

Nar ŋɔɛɛ di o zim Koosau, amaa o wa tiŋ o nɔ sɛma, o suni wɛwa. O wa kpak wuti.

1 Jɔn 3:12

Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.

1 Jɔn 3:15

Ba naa ha ba dɔŋtima, o chi ba ya nara nikpuulɛwa. Ma zimu di nara nikpuuli wa kpak Koosa mi fali naa vɛ kpak bɔ, ti.

Juud 1:6

Koosa malaikasa ba naa funɛ vɛ o nɔ a li ba bar nyɛni ni, Koosa fun kpak ba a vɔu birsi bar nyɛni ni wa kpok ni hali wuzu zen naa o zi wa di ba sɛria.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.