Jɔn 6:53 - Tampulma

⁵³ Yesu fun ŋɔ ba, “Wutirɛ mu ŋɔ ma, see ma se n waa nibine be bara a kinyɔ mu chɛl, Koosa mi fali naa vɛ kpak bɔ wa zi nyɛn ma bambe ni.

Jɔn 6:53 Marejeleo ya Msalaba

Mat. 18:3

a ŋɔ ba, “Ma nyɛ mu ŋɔ ma, di Koosa wa kiwa dɔ ma, see ma kpa ma titi a burgi chi bichɛla.

Mat. 5:18

Ma nu nan. Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

Mat. 8:20

Yesu fun ŋɔ un, “Helsa nyɛn bɔ ni ka zimebisa ka nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Luk 13:3

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.

Luk 13:5

Aai. N ŋɔ mau di ma vɛ gil ma tum tagna a bur tiŋ Koosa nyinbaan, ma maga zi sitiu a chi chenani ba fun siti chen.”

Jɔn 13:8

Pita fun ŋɔ un, “Mu wa zi kut nyɛ i sɛm mu naŋgere.” Yesu fun ŋɔ, “I vɛ nyɛ mu sɛm a, i wa zi bu ya mu gantɛl tiŋsi ta digi.”

Jɔn 15:4

Hulsi ta vɛ baŋsi bugil pum ti bara ni, a wa kinɔn nɔna. Chen vɛɛna, ma wa min vɛ ya nibɛgim a nyɛni, ma wa kikoti a tum tum were a nyɛ min. Chendaha o lawa ma wa min ya nibɛgimu a nyɛn.

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Jɔn 6:55

Mu bara ya diwe titi. Mu chɛl ti ya kinyɔɔli titi.

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?

1 Jɔn 5:12

Naa wa Koosa be ti ya nibɛgim, waa kpak chen mi fali ti. Naa wa Koosa be ti vɛ ya nibɛgim, o wa kpak chen mi fali ti.

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”

JɔnN Deesi 2:7

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa maga vɛ bur mu tiŋi ni, mu zi nyɛ ba nyinbaanu ba di Koosa mi fali bugil nɔnau. O bi Koosa tɔhɔn naa weri nee. Ba naa maga nyɛn dooni, ba tusa sɔɔnɛu kinkan.”