Jɔn 6:5 - Tampulma

⁵ Yesu fun burgi a nyini aa go a na zɛmɛ kinkan ka ba wa o wati. O fun pɛɛsi Filip, “Leene ya kaa ya pu diwe a yau a nyɛ zɛmɛ naa maga ni ba di?”

Jɔn 6:5 Marejeleo ya Msalaba

Mat. 15:33

O gantɛl tiŋsi ta fun ŋɔ, “Ei, bar nɔ ya nyabaannɛ. Yɛrɛ ya kaa ya na boroboro a nyɛ nara nama ni ba se?”

Maak 6:32

Ba fun si a li a la zu arŋa a kaali nyabaan ti ba duŋduŋ.

Luk 9:10

Yesu nitumɛ fidalɛ ba naa o fun tum chen, bur wa o wati a ŋɔ un kin naa maga ba tum. Ba funɛ sɛm peti, o wa ba fun kaali tɔhɔn naa ba yir Bɛtseida chen ba duŋduŋ.

Jɔn 1:43

Chɔɔsa funɛ pisi Yesu fun kaali Galili pulum a la na baal naa ba yir Filip. O fun ŋɔ un, “Tiŋ min.” Filip fun si a tiŋ un.

Jɔn 1:44

Filip tɔhɔnnɛ ba funɛ yir Bɛtseida. Doonee Andiru awa Pita gbanko fun nyɛn.

Jɔn 1:45

Filip fun na baal naa ba yir Nataniɛl chen a ŋɔ un, “Mosis awa Koosa witinsa funɛ sɔbi a li Koosa sɛm tɔn ti ni saha digi Kristo naa Koosa fun ŋɔ di o zi wa tumu wuzu digi chen wɛ. Ya zim unu. Waa ya Yesu, Josɛf be, a li tɔhɔn naa ba yir Nazarɛt ni chen.”

Jɔn 1:46

Nataniɛl fun ŋɔ un, “Nibin weri wa kili dooni.” Filip fun ŋɔ, “Wa na un.”

Jɔn 1:48

Nataniɛl fun wa tel Yesu wati a pɛɛsi un, “Yɛrɛ i ya a zim chenani mu bambi du?” Yesu fun ŋɔ un, “I kanɛ i bugil barsɔn nɛɛ mu te na hin a zim chenani i bambi du ka Filip zi yir hin.”

Jɔn 4:35

Ju tim ta nihɛɛta yaa ŋɔ di pɛnsa naasi gantɛl ni, ya zi kum kinau. Ma nyɛ mu ŋɔ ma, ma zer ma nyuuna a nyini ŋmaani ni. Kiparɛ ta piin biu a daŋni kumi.