Jɔn 6:44 - Tampulma

⁴⁴ Nandigi wa kikoti a wa mu wati see mu nyana naa tum min chen gbaŋ un wa mu wati. O wa wa di o wa di tɛɛnɛ nɔ tim maga sɛria, mu zi nyɛ ba o mi fali naa vɛ kpak bɔ.

Jɔn 6:44 Marejeleo ya Msalaba

Mat. 12:34

Ma chi dumwa. Maa tum tum tagniwa, yɛrɛ ma kaa ya a sɛm sɛm were? Ma sɛm chenani nyɛn ma bambe nee.

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

Jɔn 12:32

Ba wa kpaasi min a mari daakakli ni di mu sou, nidamata bambe zi nyɛn min niu.”

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 6:43

Yesu fun ŋɔ ba, “Ma gil mu zulimi.

Jɔn 6:45

Ba funɛ sɔbiu a li Koosa sɛm tɔn ti ni saha digi a ŋɔ, ‘Koosa zi wa biksi nara magau.’ Ba naa maga wa nu mu nyan ti sɛma a tiŋ o biksi ti, o zi wa gbaŋ bau a wa mu wati.

Jɔn 6:65

Doone Yesu fun bu ŋɔ ba, “Chendaha mu fun piin ŋɔ ma di nandigi wa kikoti a wa mu wati see mu nyan ti gbaŋ un a wa mu wati.”

Jɔn 8:43

Ma wara koti a nu mu biksi ti, domi ma nyinbaan tɔu.

Filip. Tima 1:29

Waa nyɛ ma se su Kristo a nyɛ ma gbanko namsi o daha.

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.