Jɔn 5:15 - Tampulma

¹⁵ Doone baal ti fun li kaali a la ŋɔ Ju tim ta ni di Yesu funɛ ya naa tiibi un chen.

Jɔn 5:15 Marejeleo ya Msalaba

Maak 1:45

Zagum ti fun kaali a vɛ tiŋ chenani Yesu ŋɔ un, amaa o funɛ sɛm nara maga niu chenani Yesu ya nyɛ un. Domi o funɛ sɛm chen, Yesu wa fun koti a zu tɔsa see o sogli a wa, ka o fun kaali a la nyɛn nyabaan ni. Lalaknɔ nara fun li bawu maga a wa o wati.

Jɔn 1:19

Wuzu digi Ju tim ba naa nyɛn Jɛrusalɛm ni, fun tum Koosa dam kɔkɔɔrsa awa ba naa ba yir Livait bɔnɛ di ba la pɛɛsi Jɔn, “Hin ya Kristo naa Koosa fun ŋɔ di o kaa tumu wuzu digi chenn?”

Jɔn 4:29

“Mu wa a wa na baal naa ŋɔ min kin nawara mu fun tum. Waa ya Kristo naa Koosa fun ŋɔ di o kaa wa tumu wuzu digi chenn?”

Jɔn 5:10

Ju tim ta bɔnɛ fun na chenani Yesu tiibi baal ti a la ŋɔ un, “O ya ya chire wa i chuŋi i kichɔɔli ya hiisi wuzu.”

Jɔn 5:12

Ba fun pɛɛsi un, “Anti ŋɔ hin di i guti i kichɔɔli a la?”

Jɔn 5:16

Ba funɛ nu di Yesu tiibi baal ti ba hiisi wuzu ti, ba fun wa muksi un kinkan.

Jɔn 5:18

Yesu funɛ ŋɔ di o nyana ya Koosa, o duuti o wa un ya nibɛgimnɛ. O sɛm na awa chenani o fun a chɔk ba hiisi wuzu ti, nyɛ Ju tim ta se sɛriu di ba kpu un.

Jɔn 9:15

Farisi tim ta fun pɛɛsi un, “Yɛrɛ o ya i se nama lɛli?” O fun ŋɔ ba, “Baal naa ba yir Yesu chen, kpa vɛri a du mu se ta ni. Mu fun la sɛm a aa na.”

Jɔn 9:25

Baal ti fun ŋɔ ba, “O ya tum tagna nitumi koo o wa ya, mu wa zim. Mu zim di mu funɛ ya nyulumnɛ, amaa lalaknɔ mu nau.”

Jɔn 9:30

Baal ti fun ŋɔ ba, “Ma wa zim doonani baal nɔ li a wa lɛli mu se na. Baŋ alaazibu wɛnɛ.

Jɔn 9:34

Ba fun ŋɔ un, “Ba funɛ lul hin di i yaa kitum tum tagniwa. I kpa i nyuhurɛ a mo yaa?” Ba fun zaksi un a li ba bar jɛɛmi dɛ ti ni a ta.