Jɔn 4:48 - Tampulma

⁴⁸ Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Jɔn 4:48 Marejeleo ya Msalaba

Mat. 16:1

Farisi tim ta awa Sajusi tim ta bɔnɛ fun wa Yesu wati a daŋni o tum alaazibu tuma a biksi ba ba zim di o kpok sir li Koosa watɛɛ.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 27:42

“Maa na. O laata fun yisi nara chen a vɛ koti a yisi o titii? O funɛ ŋɔ di o ya Ju tim koorrɛ. Ma nyɛ ya na o zi yisi o titi daakakli ti ni a tu wa tɛɛnɛ, chen ni ya se zi su unu.

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Luk 10:18

Yesu fun ŋɔ ba, “N fun na sintanau ka o li buudaha aa wa a chi nasɛha nyiksɛɛ. Mu sɔn funɛ kpok a kaali o sɔn.

Luk 16:31

Amaa Abraham funɛ ŋɔ unu, ‘Hali nandigi wa si o sou ni, ba wa zi nu o sɛma, domi ba piin vɛ Mosis awa Koosa witinsi ta nɔu.’ ”

Jɔn 12:37

O funɛ tum tum zeneu kinkan a li ba suwachak ni, amaa ba nidamata se wa fun su un.

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 2:18

Chɛɛm ti funɛ wa gil, Ju tim ta bɔnɛ fun wa pɛɛsi Yesu, “Anti nyɛ hin nyinbaan di i val aa kiya nan? Tum tum zen ya zim di Koosa chiŋɛ i gantɛl niu.”

Jɔn 20:29

Yesu fun ŋɔ un, “Tɔmas, i na minu i si su di o ya minnɛ. Ba naa la zi vɛ na min ka ba se su min, Koosa zi sɔɔni ba tusau.”

Jɔn 4:49

Nihɛɛ ti fun ŋɔ un, “Mu kunyana, i vɛ wa mu wati lalaga, mu be ti zi sowu.”

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 15:12

Pita funɛ sɛm peti, ba maga fun moori di ba nu Barnabas awa Pɔɔl wati. Ba fun ŋɔ ba chenani Koosa fun suŋi ba ba tum tum zene awa alaazibu tuma a nyɛ ba naa vɛ ya Ju tim ni.

Tuma 2:19

Mu zi kpa chɛl awa din wa nyɔsau a chɛrgi buudaha awa tɛɛnɛ nɔ magau.

Tuma 2:22

“Ma Ju tima, maa nu chenani mu kaa ŋɔ ma nan nɛnɛ. Tum zene awa alaazibu tuma a naa Koosa nyɛ Yesu Nazarɛt nar fun tum, biksi ma di Koosa funɛ lisi un. Ma titi zim kin nama wɛu domi a ya ma bambaan nɛɛ.

Tuma 2:43

Koosa funɛ nyɛ o nitumɛ ta tum tum zene awa alaazibu tumwa kinkan. Tum na daha, Yesu gantɛl tiŋsi ta maga funɛ nyɛ ba jirima kinkan.

Tuma 4:30

Nyɛ wichɔɔrsa na alaafɛ, chen ni nara zi zim di i kpak kpoku. Nyɛ ya kpa i be Yesu naa i fun lisi, sɔn a tum tum zene awa alaazibu tuma.”

Tuma 5:12

Nitumɛ ta fun tum tum zene awa alaazibu tuma nara tima suwachak ni. Ba yaa funɛ zu Koosa bar jɛɛmi dam ti a lagmi Solomon zaŋ ti tuhu ni.

Tuma 6:8

Nara tima funɛ na chenani Koosa funɛ suŋi Stivin kinkan a la nyɛ un kpok di o tum tum zene awa alaazibu tuma a nyɛ ba.

Tuma 7:36

Koosa fun suŋi un di o tum tum zene awa alaazibu tuma a li Ijipt ni a kpa ba li a ji ni naa ba yir ni sɛm chen. Saha ti hali a la tel bun fumnaasi o funɛ tum tum, zene tawa a nyɛ nara tima ni a li nyabaan ti ni.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

1 Kɔr. 1:22

Ju tim ta daŋni ya la biksi ba alaazibu wɛ, ka Girik tima daŋni ya la biksi ba zima ti.

2 Kɔr. 12:12

Mu funɛ nyɛn ma wati, ma wa funɛ beeli di mu ya Koosa nitumirɛ wuti. Waa funɛ suŋi min di mu tum tum zene a kitum alaazibu tuma awa kanyita kinkan ni a nyɛ ma.

2 Tɛs. 2:9

Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.