Jɔn 4:42 - Tampulma

⁴² Ba fun ŋɔ haan ti ni, “Ya se su un o biksi ti daha. A wa su un chenani i fun ŋɔ ya chen duŋduŋ daharɛ. Ya zimu di wutirɛ Koosa fun tum un di o wa yisi tɛɛnɛ nɔ maga nara tum tagna a li ba.”

Jɔn 4:42 Marejeleo ya Msalaba

Mat. 1:21

O zi lul nibabichɛlau. O wa bi, o zi wa yisi ba naa Koosa fun lisi nyɛ o titi niu a li ba tum tagna ni. Chendaha o lawa i du o sɔnu Yesu.” Malaika ti fun kaali.

Luk 2:32

Be nɔ zi nyɛ Ju tima ba naa i lisi a nyɛ i titi ni chen burgi i jirima narau. O gbanko zi chi i fitinau. Waa la zi biksi ba naa vɛ ya Ju tima ba tiŋ i nyinbaan.”

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 11:17

Yesu awa o gantɛl tiŋsi ta funɛ la tel Bɛtani, ba naa nyɛn dooni, fun ŋɔ un di ba huk Lazarus o zinan ya bunaasi.

Jɔn 17:8

Sɛm naa i fun sɛm nyɛ min chen, mu funɛ kpa au a ŋɔ ba. Ba se funɛ su di hin tum min ba wati.

Jɔn 4:29

“Mu wa a wa na baal naa ŋɔ min kin nawara mu fun tum. Waa ya Kristo naa Koosa fun ŋɔ di o kaa wa tumu wuzu digi chenn?”

Jɔn 4:41

O fun biksi ba Koosa wɛ ka nidamata se fun su un a gbaari ba naa se funɛ te su un chen ni.

Tuma 13:23

Koosa funɛ vɔu saha digi di o zi wa tum Devid bi lulɛ ta digiu o lisi Ju tim ta tum tagna a li ba ni. Yesu funɛ ya naa Koosa vɔu di o tum chen.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

Tuma 5:31

a kpa un a zini kaali o tɔhɔn ti ni a nyɛ o kani Koosa nihɛɛti bar kani ni. Dooni o fun nyɛ o ya koora, chen ni Ju tim ta zi na nyinbaanu a gil ba tum tagna a bur tiŋ Koosa. Ba ya chen, Yesu zi yisi bau a li a ni ka Koosa zi gil a a ta.

2 Kɔr. 5:19

Kristo siwi ti daha, Koosa fun na nyinbaan a nyɛ o wa nara maga bu ya nɔ bɛgim, chen ni o wa zi bu lisi ba tum tagna wɛ. Laaboor weri nɔwa o fun kpa du ya nisa ni di ya biksi nara.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

1 Jɔn 2:2

O funɛ sou ya tum tagna daharɛ, chen ni o zi koti a yisi yau a li Koosa paan ni. O wa fun sou ya tum tagna duŋduŋ daharɛ. O funɛ sou tɛɛnɛ nɔ tim maga tum tagna gbanko daharɛ.

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.