Jɔn 4:14 - Tampulma

¹⁴ Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 4:14 Marejeleo ya Msalaba

Mat. 25:46

Koosa zi kpa ba naa la tum tum tagna chenu a du namsi naa vɛ kpak bɔ bar ni, amaa o ka zi kpa ba naa la tum tum were chenu a nyɛ ba o miisa naa vɛ kpak bɔ.”

Mat. 5:6

Ba naa yaa kpak un ba bambe ni di ba tum chenani Koosa daŋni di ba tum, o zi suŋi bau a nyɛ ba tu sɔɔna.

Jɔn 10:10

Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

Jɔn 11:26

Mu yaa kpa Koosa mi fali naa vɛ kpak bɔ a nyɛ ba naa se su min ni, chen ni o wa zi bu na ba galimsa a ta ba yɔri. Marta, i si su chenuu?”

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:11

Haan ti wa fun zim o sɛm ta mun a ŋɔ, “Mu kunyana, i wa kpak guuga ka bugul nɔ luŋ. Leene i kaa la dɛu ni pali a wa nyɛ min?

Jɔn 4:13

Yesu fun ŋɔ un, “Ba naa maga nyɔ bugul ti ni, nyɔksa zi bu kpak bau.

Jɔn 4:36

Ba naa kumɛɛ a kpa du napagsi ni, ba waa le la ba bɔta. Tumtumsi ta wa peti ba tum maga, ba naa du kin ta awa ba naa kumɛɛ, ba maga tusa zi sɔɔniu. Chen vɛɛna, ba naa kpa nara a wa mu wati chen ni Koosa zi kpa o mi fali naa vɛ kpak bɔ a nyɛ ba, o zi bɔ ba ba chimu.”

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 6:35

Yesu fun ŋɔ ba, “Mu wa mi fali diwe ta ya kibɛgimnɛ. Lɔsa wa zi bu kpak ba naa wa mu wati. Nyɔksa ka wa zi kpak ba naa nyɛ ba se su min.

Jɔn 6:58

Mi fali diwe ta awa diwe naa Mosis fun kpa nyɛ ma nawaalsi ta ni saha digi ka ba siti chen, wa ya kibɛgim. Koosa funɛ tum o mi fali diwe tau a li o tɔhɔn ti ni, chen ni ba naa maga di un zi na miisa naa vɛ kpak bɔu.”

Jɔn 7:37

Wuzu zene ta gantɛl tiŋna funɛ ya a kilɛmlɛm. A wuzu tirɛ Yesu fun si chiŋi zɛmɛ ta suwachak ni a tɛsi a ŋɔ, “Ba naa maga nyɔksa kpak, ma nyɛ ba wa mu wati mu kpa ni a nyɛ ba ba nyɔ.

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

2 Kɔr. 1:22

a zer o dani a du ya ni. O gbanko funɛ kpa o siim weri ti a du ya bambe niu. Waa ya o purigiri bɔɔli kin naa maga o zi kpa a nyɛ ya.

Ɛfɛ. 4:30

Ma vɛ tiŋ chenani mu sɛm nan, ma zi chɔk Koosa siim weri ti tuhau. Waa ya Koosa daana ma ni, hali saha naa Koosa zi wa la ma nyuuna a nyɛ ma.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

JɔnN Deesi 7:16

Lɔsa awa nyɔksa wa zi bu kpak ba. Nha awa nunum gbanko wa zi pu ba.

JɔnN Deesi 7:17

Piisi be naa duglɛ Koosa jirima bar kani zi ya ba nigbaŋiu a zi te ba suwachak a dɛu ni pali di ba nyɔ. Hali Koosa titi zi fisi siniu a ta a li ba se ni.”