Jɔn 3:19 - Tampulma

¹⁹ Nannɛ Koosa lisi ba wɛ. O be chi fitina o fun tum tɛɛnɛ nɔ maga ni. Nidamata fun lisi di ba nyɛn birsi ni a ta val nha ni, domi ba la tum tum tagna daha.

Jɔn 3:19 Marejeleo ya Msalaba

Luk 12:47

“Tumtum zim chenani o kunyana daŋni o tum, ka o baga vɛ nyɛni di o tum chen, o kunyan ti zi tuk unu wa vurmsi niu kinkan.

Luk 16:14

Farisi tim ta funɛ ya malɛ timwa. Chendaha ba funɛ nu chenani Yesu sɛm chen, ba mɔmsi un.

Jɔn 1:4

Koosa miisa naa vɛ kpak bɔ nyɛn un ni. Nara wa la o miisi ti, ba wa bu a nyɛn birsi ni. Ba zi nyɛn nha nɛɛ.

Jɔn 1:5

O miisi ti chi fitinne a chaani birsi ni. Birsi ti wa koti a dusi un.

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Jɔn 12:43

Ba daŋni narawa kinyɛ ba jirima a kaali chenani ba daŋni Koosa kinyɛ ba jirima.

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Jɔn 7:7

Min la biksi nara ba yaa tum tum tagna. Chendaha ba ha min. Amaa ba ka wa ha ma.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Jɔn 9:5

Chenani mu nyɛn tɛɛnɛ nɔ maga ni nan, min chi fitina a chaani a nyɛ tɛɛnɛ nɔ tim maga ni.”

Room 1:32

Ba zimu di Koosa funɛ ŋɔ di o deŋlu wa ba naa la tum nan sitiu, amaa ba ha vɛɛn a tum au a ŋɔ di ba naa la tum chen tum tum werewa.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

2 Tɛs. 2:12

Ba naa maga vɛ nyɛ ba se su wuti ti amaa a ka nyɛ ba tusa sɔɔni tum tagna tumi ni, Koosa zi di ba sɛriau a na ba galimsa.

1 Pita 2:8

Buŋkul nɔ la zi mo nibinsi naŋgere ba chel,” domi ba vɛu di ba wa zi nu Koosa laaboor weri ti. Koosa tutɔ funɛ ya chen.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,