Jɔn 3:18 - Tampulma

¹⁸ “Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Jɔn 3:18 Marejeleo ya Msalaba

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 2:3

Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 3:19

Yɛrɛ Koosa fun ŋɔ di ba wa zi zu o bar hiisi ti? O fun ŋɔ ba chene domi ba se wa fun su un.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

1 Jɔn 5:10

Naa si su Koosa be ti, o be ti sɛhɛra nyɛn un ni, ka o zim o be ti wɛ nɛnɛ. Naa si vɛ su Koosa, waa la ŋɔ di Koosa ya nusun tiinnɛ, domi o wa la nɔɔni a du Koosa sɛhɛra awa o be ti wɛ ni.

1 Jɔn 5:12

Naa wa Koosa be ti ya nibɛgim, waa kpak chen mi fali ti. Naa wa Koosa be ti vɛ ya nibɛgim, o wa kpak chen mi fali ti.