Jɔn 3:13 - Tampulma

¹³ N waa nibine be duŋduŋ funɛ li Koosa tɔhɔn ti ni a wa tɛɛnɛ nɔ maga a la zi bur la dooni.

Jɔn 3:13 Marejeleo ya Msalaba

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Mat. 8:20

Yesu fun ŋɔ un, “Helsa nyɛn bɔ ni ka zimebisa ka nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 13:3

Yesu funɛ zimu di o nyan naa tum un tɛɛnɛ nɔ maga ni, funɛ kpa kina maga a du o nin ni. O gbanko funɛ zimu di o nyɛn nyinbaan nɛɛ a bur a la Koosa wati.

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Jɔn 3:12

Mu sɛm kin nawara ya bar nɔ wɛwa ka i vɛ nu a. Mu ŋɔ hin kin nawara ya Koosa tɔhɔn kina wɛ, yɛrɛ i kaa ya a zim a mun?

Jɔn 3:31

“Yesu funɛ li Koosa tɔhɔn ti a wa tɛɛnɛ nɔ maga, a koti a biksi ma Koosa tɔhɔn ti kina wɛ. Chendaha o ya nizen a kaali nara maga. Mu ya nibinere a chi ma a koti a biksi ma tɛɛnɛ nɔ maga kina wɛ. Koosa tɔhɔn ti kin ta kaali tɛɛnɛ nɔ maga kina kinkan.

Jɔn 6:33

Waa funɛ tum min a li o tɔhɔn ti ni di mu wa tɛɛnɛ nɔ maga, chen ni nara maga zi na nyinbaanu a la o mi fali naa vɛ kpak bɔ.”

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Jɔn 6:42

Ba fun ŋɔ dɔŋ ni, “Baal nɔ, laata ya Yesu, Josɛf be ti, chenn? O nyana awa o niina laata ya zim chenn? Ka yɛrɛ o sɛm di o funɛ li Koosa tɔhɔn tirɛ?”

Jɔn 6:46

Nandigi ha wa na mu nyan ti. Mu waa naa o tum ma wati chen duŋduŋ funɛ na un.

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Tuma 2:34

Koosa wa fun zer Devid a zini kaali o tɔhɔn ti, amaa ba funɛ sɔbiu a li Koosa sɛm tɔn ti ni di Devid ŋɔ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni,

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Room 10:6

Amaa ba gbanko funɛ sɔbiu ba naa nyɛ ba se su Koosa wɛ, chen ni o wa zi bu na ba galimsa, a ŋɔ, “Ma ta pɛɛsi ma titi, anti la zi zini a la zu Koosa tɔhɔn ti, chen ni Kristo zi tu wa ma watiu?”

1 Kɔr. 15:47

Koosa funɛ te kpa hɛɛra a naami Adam, amaa Adam naa tiŋ gantɛl chen, Koosa funɛ tum un a li o tɔhɔn ti nɛɛ.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.