Jɔn 21:16 - Tampulma

¹⁶ Yesu fun bu pɛɛsi un, “Simɔn, Jonas be, ii daŋni minuu?” Pita fun ŋɔ, “Mu kunyana, i zimu di muu daŋni hinu.” Yesu fun ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisisa.”

Jɔn 21:16 Marejeleo ya Msalaba

Mat. 2:6

‘Ba zi wa lul nyuhu tiinau a li Bɛtlihɛm ni. Waa la zi il mu Ju tima. Chendaha Bɛtlihɛm ya kibirigire a kaali tɔsi naa maga nyɛn Judia pulum ni.’ ”

Mat. 25:32

a yir nara maga ba lagmi mu wati. Mu zi purigi ba bilɛu a chi piisi gbaŋna yaa waligi piisisa a li buuna ni chen.

Mat. 26:72

O fun bukoo tɔ a ŋɔ, “Mu hɛɛsɛu mu wa zim baal ti.”

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Jɔn 18:17

Pita funɛ si di o la zu sal ti, nihabichɛl ti fun ŋɔ un, “I wa ya baal ti gantɛl tiŋsi ta nidigirɛɛ?” Pita fun ŋɔ un, “Aai, n wa ya ba nidigi.”

Jɔn 18:25

Pita ha funɛ vɛɛn nyɛn sal ti nɛɛ aa weeri din. Ba naa wa un funɛ lagmi dooni chen nidigi fun pɛɛsi un, “I wa ya baal ti gantɛl tiŋsi ta nidigirɛɛ?” O fun tɔ a ŋɔ, “Aai, n wa ya ba nidigi.”

Jɔn 21:17

Yesu fun bu pɛɛsi un butor tiina, “Simɔn, Jonas be, ii daŋni minuu?” Pita funɛ nu ka Yesu pɛɛsi un butor tiina, o tuha fun chɔk. O fun ŋɔ, “Mu kunyana, hin zim chenani mu bambi du. I zimu di muu daŋni hinu.” Yesu fun bu ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisisa.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

1 Pita 5:2

Ba naa la tiŋ Koosa chi o piisisiwa. Waa nyɛ ma ya ba nigbaŋɛ. Maa nyini ba nɛnɛ. Ma ta nyini ma na nyɔɔra a li ma tum ni, amaa maa kpak un ma bambe ni di ma tum tuma a nyɛ ba kinkan. O wa ya muksirɛ ma tum chen. Ma tutɔrɛ maa tum. Chene Koosa daŋni.

JɔnN Deesi 7:17

Piisi be naa duglɛ Koosa jirima bar kani zi ya ba nigbaŋiu a zi te ba suwachak a dɛu ni pali di ba nyɔ. Hali Koosa titi zi fisi siniu a ta a li ba se ni.”