Jɔn 2:19 - Tampulma

¹⁹ Yesu fun ŋɔ ba, “Mu zi tum tum zenu a nyɛ ma. Ma zak Koosa bar jɛɛmi dam nɔ a lɔ ka mu sa un wuzu butora wuzu.”

Jɔn 2:19 Marejeleo ya Msalaba

Mat. 12:40

Koosa fun tum nyin zen di o lil Joona. O nyɛn o tuha ni wuzu butora a li. Chen vɛɛna ba wa kpu n waa nibine be, ba zi wa te sogli minu wuzu butora wuzu ka mu wa si mu sou ni.

Mat. 16:21

Chen saha ti kpa la, Yesu fun a biksi o gantɛl tiŋsi ta a ŋɔ ba, “O lawa mu la Jɛrusalɛmu. Doonee tɔhɔn nihɛɛta awa Koosa dam kɔkɔɔrsi ta awa Koosa chiksɛ nibiksɛ ta zi wa nyɛ mu namsiu kinkan ka ba kpu min. Amaa wuzu butora wuzu n zi si a li mu sou niu.”

Mat. 27:40

“Hin funɛ ŋɔ di i zi chɔk Koosa bar jɛɛmi dam ti a bur sa un wuzu butora chen niuu? I sir ya Koosa bere, yisi i titi a tu wa daakakli ti ni ya na.”

Mat. 27:63

Ba fun ŋɔ un, “Ya kunyana, nusun tiin ti ha funɛ vɛɛn nyɛn, ya funɛ lisi o wɛu di o ŋɔ ya di wuzu butora wuzu Koosa zi wa lɛli unu a li o sou ni.

Maak 14:58

“Ya funɛ nu chenani Yesu sɛm di o zi chɔk Koosa bar jɛɛmi dama naa ba kpa nisa a sa chenu, a burgi a sa un wuzu butora wuzu a ta kpa nisa a sa un.”

Maak 15:29

Ba naa funɛ nyɛn dooni chen, fun val la gali a la gumsi ba nyuuna a pini o zoma a ŋɔ, “Kina, hin funɛ ŋɔ di i zi chɔk Koosa bar jɛɛmi dam ti a bur sa un wuzu butora chen niuu?

Maak 8:31

Doone o fun a biksi ba a ŋɔ, “Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min. Amaa wuzu butora wuzu n zi si a li mu sou niu.”

Jɔn 11:25

Yesu fun ŋɔ, “Min ya naa la zi koti a lɛli nara a li ba sou ni a nyɛ ba bu kpak miisa. Naa si su min ka o sou, mu zi ya chenu a nyɛ un.

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Tuma 2:24

O fun lɛli Yesu a li o sou ni a nyɛ o namsi ti peti. O wa fun deŋli di o kpalimi o sou ni.

Tuma 2:32

Naa wɛ Devid fun sɔbi chen awa Yesu ya nibɛgimnɛ. Ya funɛ nau awa ya se ni ka Koosa lɛli un a li o sou ni,

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Tuma 3:26

Chendaha Koosa fun lisi o be Yesu di o ya o tumtumna a te tum un ma wati di o kpa o nyusum a nyɛ ma ma gil ma tum tagni ta a bur tiŋ Koosa.”

Tuma 6:14

Ya funɛ nuu ka o sɛm di Yesu Nazarɛt nar zi chɔk bar nɔu a chɛrgi nyinbaan naa Mosis fun ŋɔ ya nawaalsi ta di ba tiŋ.”

Room 4:24

O funɛ ya ya gbanko daharɛ ba fun sɔbi chen. Ya se su Koosa naa funɛ lɛli ya kunyana Yesu Kristo a li o sou ni. Chendaha o gbanko wa zi bu na ya galimsa.

Room 6:4

Ba funɛ chaksi ya, o chi ya wa un funɛ sou ka ba sogli ya, ka Koosa fun lɛli ya a li ya sou ni a nyɛ yaa tiŋ o mi fali ti nyinbaan. O funɛ kpa o kpok kinkan tirɛ a lɛli Kristo a li o sou ni. Chendaha o fun koti a ya chen a nyɛ ba.

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

1 Kɔr. 15:12

Ya funɛ biksi ma Kristo wɛ di Koosa funɛ lɛli unu a li o sou ni, yɛrɛ ma bɔnɛ sɛm di Koosa wa kilɛli nara a li ba sou ni?

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,