Jɔn 19:25 - Tampulma

²⁵ Yesu niina, o towe, Mɛri naa ya Kilɛɔfas haan, awa Mɛri Magdala funɛ chiŋi a dugli Yesu.

Jɔn 19:25 Marejeleo ya Msalaba

Mat. 12:46

Yesu funɛ sɛm chene, o niina awa o niinbisa fun wa tel a wa chiŋi dam ti dentil ni a tum nara di ba zu a yir un.

Maak 16:9

Yesu funɛ si o sou ni aleedi wuzu chɔɔsa chen, Mɛri Magdala, naa Yesu fun duŋni alizin tagna nɔpɛ a li un ni chen, waa funɛ te a na un.

Luk 2:35

ka ba wu lise naa sogli li gbampulim. I titi bambi zi botiu ka i na namsi kinkan. O zi chi ba kpa chise zenne di ba tau hin.”

Luk 23:49

Yesu chɛnsa awa nihaana ba naa funɛ tiŋ un a li Galili a wa chen, ba waa funɛ chiŋi bar boli ni a nyini chenani yɛɛ.

Luk 24:18

Ba nidigi sɔn funɛ ya Klɛɔpas. O fun ŋɔ Yesu ni, “I ya hɔɔrrɛ a vɛ zim kinkin naa la ya bar nɔ wuzu bilɛ na tuhu nii?”

Luk 8:2

Nihaan ba naa o fun a tiibi wichɔɔrsa a duŋni alizin tagna a li ba ni chen bɔnɛ, ba waa funɛ tiŋ un a suŋi un a li ba kin ni. Ba nara batora sɔna funɛ ya Meri, naa ba funɛ yir Magdala, Joana, awa Suzana. Joana baal naa ba funɛ yir Kuza, funɛ ya koor Hɛrɔd dam nihɛɛ.

Jɔn 20:1

Aleedi wuzu chɔɔsa ha funɛ vɛ pisi peti, Mɛri Magdala fun si a la doonani ba sogli Yesu chen. O fun la tel dooni a na buŋkul naa ba fun kpa tɔ hugil ti nɔ chen bilimsu a ka zɔɔnɔ ti.