Jɔn 19:11 - Tampulma

¹¹ Yesu fun ŋɔ un, “Koosa fu vɛ nyɛ hin i kpok nɔ, i fu wa kikoti a ya min wu digi. Chendaha mu siwɛɛ, naa funɛ kpa min a du i nin ni, o galimsa la zi wa kaali i kin.”

Jɔn 19:11 Marejeleo ya Msalaba

Mat. 26:65

O funɛ ŋɔ chen, Koosa dam kɔkɔɔrsi ta nihɛɛ ti fun chɛsi chɛsi o gar a ŋɔ, “Yɛrɛ ya bukoo kaa ya a dɛu sɛhɛra tima? Ma maga fun a nu chenani o kpa o titi a maksi Koosa.

Mat. 27:2

Ba funɛ sɛm peti, ba fun vɔu o nisa a kpa un a la nyɛ gɔbnati nyuhu tiina naa ba yir Pailɔt ni chen.

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Maak 14:44

Nar funɛ li Yesu gantɛl chen fun te ŋɔ ba, “Ya wa pu ba, mu zi zaami nandigiu a mɔksi un. Tiina chen. Ma kpak un kpok, chen ni o wa kichɔ a li.”

Luk 22:53

N yaa fun kaniu a biksi nara a li Koosa bar jɛɛmi dam ti ni ka ma vɛ wa kpak min. Sintana, naa nyɛn birsi ni, kpok ma kpa wa di ma wa kpak min.”

Jɔn 18:13

Ba fun kpa un a kaali baal naa ba yir Anas chen dama. Koosa dam kɔkɔɔrsi ta nihɛɛ ti sɔn funɛ ya Kaifas. Anas funɛ ya o hila.

Jɔn 18:3

Koosa dam kɔkɔɔrsi ta awa Farisi tim ta fun lagmi lanjimasa awa ba naa la il Koosa bar jɛɛmi dam ti. Judas fun te ba suwachak a kpa ba kaali ŋma we ti di ba la kpak Yesu. Ba fun kpa chisi zene awa fitinsa a suksi kɔvɔtɛ wa din ni a kaali.

Jɔn 19:10

Pailɔt fun bu ŋɔ un, “I wa kpak wu digi a la zi sɛm? Mu kpak kpoku a la zi nyɛ i la yɔri. Kpok ka vɛɛn nyɛnu mu zi ŋɔ mu lanjimasi ta ni ba kpaasi hin a mari daakakli ti ni i sou.”

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Jɔn 7:30

Ju tim ta funɛ nu o sɛm ta, ba funɛ daŋni ba kpak un, amaa o kpaki saha ha wa fun tel. Chendaha nandigi wa fun gbaŋsi un.

Jɔn 9:41

Yesu fun ŋɔ ba, “Ma se fu vɛ lɛli, mu fu wa zi na ma galimsa. Domi ma ŋɔ di ma se lɛlɛu ka a vɛ lɛli, mu zi na ma galimsau.”

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

Tuma 3:13

Koosa naa ma nawaalsa Abraham, Aizik awa Jakɔb funɛ jɛɛmi, kpa o jirima awa o chaani kinkan a nyɛ o tumtumna Yesu ni. Ma funɛ kpak unu a du gɔbnati nyuhu tiina naa ba yir Pailɔt nin ni. Pailɔt funɛ kpa un wa li ma suwachak a daŋni o gil un o la, ma fun vɛ.

Tuma 4:28

I funɛ piin lisi chenani ba zi ya unu. I funɛ lisi chenu i kpok awa i tutɔ ti daha.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 13:1

Nara maga kitiŋ pulum nihɛɛta nɔɔna. Nandigi waa kikoti a ya nihɛɛ see Koosa la nɔɔni. Waa funɛ nyɛ ba ya nihɛɛta,

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

Jems 4:17

Nar zim wu were a vɛ di o wara tum a, o galimu.