Jɔn 18:11 - Tampulma

¹¹ Yesu fun ŋɔ Pita ni, “Kpa i chisi ti a bur du o lɔk ni. Ta tɔ nyinbaan naa mu nyan ti ŋɔ di mu namsi.”

Jɔn 18:11 Marejeleo ya Msalaba

Mat. 20:22

Yesu fun ŋɔ un, “Kin naa i sumi chen, i wa zim chenani o kaa wa du o gantɛl ni. Namsi naa n kaa wa namsi nan, i bisi ta zi wa koti namsi chenuu?” Ba fun ŋɔ di ba zi kotiu.

Mat. 26:39

O fun la suwachak tama a la pimi tɛɛnɛ ni a sumi Koosa a ŋɔ, “Mu kunyana, mu sumi hinu di o ya i tutɔrɛ i lisi namsi nɔ a li min ni. Nyɛ i tutɔ ti ya a kaali mu tutɔ.”

Mat. 26:42

O fun bukoo a la sumi Koosa a ŋɔ, “Mu kunyana, i daŋni mu na namsi nɔ, nyɛ i tutɔ ti ya.”

Luk 12:30

Kin namawa ba naa vɛ ya Ju tima yaa daŋni chen, amaa ma kunyana Koosa zimu di maa daŋni kin ta magau.

Luk 22:42

“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Jɔn 15:10

Mu funɛ tum chenani mu nyan naa la daŋni min, fun ŋɔ min di mu tum, chen ni ya lagmi nyɛni nɔ wa zi bur gantɛl. Chen vɛɛna ma tiŋ chenani mu naa la daŋni ma, fun biksi ma, ya lagmi nyɛni nɔ wa zi bur gantɛl.

Jɔn 17:24

“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.

Jɔn 18:36

Yesu fun ŋɔ un, “Mu koor ti wa to tɛɛnɛ nɔ maga ni. O fu nyɛnɛɛ, mu nara fu zi you a kok min, chen ni Ju tim ta wa zi kpak min. Mu bura ŋɔ hinu, mu koor ti wa to tɛɛnɛ nɔ maga ni.”

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

2 Kɔr. 10:4

Ya wara nyini ya titi kpok se nee, amaa Koosa kpa o kpok ti a nyɛ ya, chen ni ya zi chiŋiu a du nibiksɛ ba naa vɛ nu Koosa laaboor weri ti, biksi ni,

2 Kɔr. 6:7

a la biksi nara wa wuti a li Koosa kpok ti ni, a nama maga biksi nara di ya ya o tumtumsiwa. Ya chi lanjimasiwa. Koosa nyɛ ya tum tum were a nyɛ un, chen ni ya zi koti a yo ya dɔmau a kok ya titi.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.