Jɔn 17:3 - Tampulma

³ Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 17:3 Marejeleo ya Msalaba

Maak 9:37

“Nar la bichɛla nɔ a du di oo tiŋ min daha, minnɛ o la du chen. Nar la min, naa tum min chene o la du.”

Luk 9:48

a ŋɔ ba, “Nar la be nɔ a du di oo tiŋ min daha, minnɛ o la du chen. Nar la min, naa tum min chene o la du. Nar kpa o titi a burgi bichɛl tiina a tum a nyɛ o dɔŋtim ni, waa ya suwachak tiina.”

Jɔn 10:36

Mu nyan ti funɛ lisi min a tum min tɛɛnɛ nɔ maga ni. Mu ŋɔ ma di mu ya o bere, yɛrɛ ma ŋɔ min di mu pini o zomwa?

Jɔn 11:42

Mu titi zimu di i nu mu nɔu, amaa mu sɛm nan a nyɛ hin di ba naa nyɛn bar nɔwa se su di hin funɛ tum min.”

Jɔn 14:26

Mu nyan ti wa tum o siim weri ti di o wa chiŋi mu bar chiŋi ni. Waa la zi biksi ma kin nama maga ma daŋni ma zim aa lisi ma chenani maga mu fun ŋɔ ma.

Jɔn 17:18

Min tum ba di ba la biksi tɛɛnɛ nɔ tim maga i wɛ a chi chenani i fun tum min di mu wa biksi ba chen.

Jɔn 17:21

Kisuŋi ba ba ya nɔ bɛgim dɔŋ ni. Mu nyana, i wa min ya nibɛgimnɛ. Suŋi ba ba wa zim ya a gbaari, chen ni tɛɛnɛ nɔ tim maga se zi su di hin funɛ tum min ba wati.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Jɔn 17:25

Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

Jɔn 17:8

Sɛm naa i fun sɛm nyɛ min chen, mu funɛ kpa au a ŋɔ ba. Ba se funɛ su di hin tum min ba wati.

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 6:57

Mu nyan naa ya mi fali ti tiina, funɛ tum min ma wati. O daharɛ mu nyɛn. Chen vɛɛna, ba naa maga di min nyɛn mu daharɛ.

Jɔn 7:29

Mu waa zim unu. O wa min funɛ te lagmi nyɛn ka o fun tum min ma wati.”

Jɔn 8:19

Ba fun pɛɛsi un, “Leene ya i nyan ti bar nyɛni?” Yesu fun ŋɔ ba, “Ma wa zim chenani mu du. Chendaha ma vɛ zim chenani mu nyan ti duuli. Ma fu zim min, chen fu zi nyɛ ma nyinbaanu ma zim mu nyan ti.”

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

Filip. Tima 3:8

Chenani mu fun tiŋ saha digi, lalaknɔ mu lisu di a chi chaasiwa. Nibine zim ya kunyana Yesu Kristo, chen kaali a nama maga kinkan. Chendaha muu daŋni mu zim di Kristo ya mu nyɔɔra.

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

2 Pita 1:2

Lalaknɔ ma zim Koosa awa ya kunyan Yesu. Chendaha Koosa zi suŋi ma a kinyɛ ma bara sɔɔna aa gbaari.

2 Pita 1:3

Waa funɛ yir ya di o wa ya bɔni o jirima awa o chaani kinkan awa chenani o bambi du a fun kpa o kpok awa kin naa maga ya daŋni a nyɛ ya, chen ni ya zi kotiu a tum tum were a tiŋ un nɛnɛ. O ya chene a li chenani ya zim un ni.

2 Pita 1:8

Ma tum tum were nama a gbaari, a zi nyɛ chenani ma zim ya kunyan Yesu Kristo bukoo zenu a gbaari.

1 Jɔn 1:2

Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

1 Jɔn 2:23

Naa vɛ la nɔɔni di Yesu ya Koosa be, o gban vɛ Koosau. Naa la nɔɔni wa Koosa be wɛ, o vɛɛn zim o kunyana Koosau.

1 Jɔn 4:6

amaa Koosa ka dɔ ya. Ba naa maga zim un, ba waa la nu ya sɛma. Ba naa maga vɛ zim Koosa, ba wa zi nu ya sɛma. Chendaha ya zi zim ba naa ya wuti tima awa nusuna.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.