Jɔn 15:8 - Tampulma

⁸ Chenani maa tum tum were a nyɛ min a gbaari la zi biksi nara di ma ya mu gantɛl tiŋsiwa. Doone ba zi bur a nyɛ mu nyan ti wa jirima kinkan.

Jɔn 15:8 Marejeleo ya Msalaba

Mat. 5:16

Chen vɛɛna, maa chaani nara wati, chen ni ba zi na ma tum were naa ma tum chenu a pɛgi ya kunyana Koosa naa nyɛn o tɔha ni.”

Mat. 5:44

amaa n ŋɔ mau saha nɔ, maa daŋni ma dɔma a kitum tum were a nyɛ ba. Maa sumi Koosa o suŋi ba naa la pini ma zoma a la muksi ma kinkan.

Mat. 9:8

Ba naa funɛ chiŋi dooni na chenani o ya, hansura fun kpak ba kinkan. Ba fun a pɛgi Koosa o kpa o kpok a nyɛ Yesu ni o tum chen daha.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Jɔn 13:35

Ma daŋni dɔŋa nan ni, nara maga zi zimu di ma ya mu gantɛl tiŋsiwa.”

Jɔn 15:5

“Mu piin ŋɔ mau di mu chi bugil pum naa ba yir ‘vain’ chene. Ma chi mu hulsiwa. Ma wa min ya nibɛgim a nyɛn, ma zi kotiu a tum tum were kinkan a nyɛ min. Ma lisɛ ma titi a li min ni, ma wa kikoti a tum wu digi.

Jɔn 8:31

Doone Yesu fun ŋɔ ba, “Ma tiŋ mu biksi nɔ, ma waa la zi ya mu gantɛl tiŋ wutɛ.

1 Kɔr. 10:31

Amaa kina maga maa ya a la di koo a nyɔ, maa ya a maga a kinyɛ Koosa wa jirima.

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Tait. 2:10

akoo a ŋmɛ ba kina. O lawa baa tum tum wereu a nyɛ ba a ya wuti tima, chen ni ya Koosa naa funɛ yisi ya a li ya wu tagna ni, biksi ti zi kpak sɔn weriu.

Tait. 2:5

a ya nɛha tima awa tu chaan tima a ya dam nihaan birige a ya jɛrgɛ tima aa tiŋ ba baalasa nɔɔna, chen ni ba naa vɛ tiŋ Kristo wa zi chɔk Koosa laaboor weri ti sɔn.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 4:11

Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.