Jɔn 15:21 - Tampulma

²¹ Ba zi wa muksi mau a chi chen, domi ba wa zim naa funɛ tum min chen. Maa tiŋ min daha, ba gbanko ya ma chen.

Jɔn 15:21 Marejeleo ya Msalaba

Mat. 10:18

Ba zi wa kpa ma a la koorsa awa nihɛɛta suwachaku di ba di ma sɛria mu daha. Nan daha, ma zi na nyinbaanu a sɛm ba awa ba naa vɛ ya Ju tima Koosa laaboor weri ti wɛ.

Mat. 10:22

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.

Mat. 10:39

Nar daŋni o kpak o titi miisa a ta namsi, o zi nyuksi unu. Nar nyuksɛ o miisa n daha, waa la zi bukoo kpak un.”

Mat. 24:9

“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.

Mat. 5:11

“Nara pini ma zoma a la muksi ma a suni wɛ aa nyɛ ma domi maa tiŋ mu nyinbaan, ma tusa zi sooniu.

Maak 13:13

Nara maga zi wa ha mau domi maa tiŋ min daha. Nar di kanyita a vusi hali muksi ti wa peti, Koosa zi wa la o nyuhau a nyɛ un.”

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Luk 21:17

Nara maga zi wa ha mau n sɔn daha.

Luk 6:22

“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 16:3

Ba zi tum nanu a nyɛ ma, domi ba wa zim min koo mu nyan ti.

Jɔn 17:25

Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

Jɔn 8:19

Ba fun pɛɛsi un, “Leene ya i nyan ti bar nyɛni?” Yesu fun ŋɔ ba, “Ma wa zim chenani mu du. Chendaha ma vɛ zim chenani mu nyan ti duuli. Ma fu zim min, chen fu zi nyɛ ma nyinbaanu ma zim mu nyan ti.”

Jɔn 8:54

Yesu fun ŋɔ ba, “Mu wara nyɛ n titi wa jirima. Mu titi jirima nyɛɛli ya yɔrirɛ. Mu nyan ti ka yaa kpa o jirima a nyɛ min. O wa naa ma yir Koosa chen ya nibɛgimnɛ.

Jɔn 8:55

Ma wa zim un, amaa mu waa ka zim unu. Mu fu ŋɔ di mu wa zim un, mu fu zi ya nusun tiinau a chi ma ya nusun tim chen. Mu zim unu aa tiŋ o nɔ.

Tuma 17:23

Mu funɛ valu a go ma tɔhɔn ti a na ka ma nyɛ a jirima. Hali mu fun na digi ka nandigi sɔbi un ni, ‘Koosa naa ya vɛ zimi nɛɛnɛ.’ Koosa naa ma nyɛ jirima a vɛ zimi nan, o wɛwa mu kaa ŋɔ ma nan.

Tuma 26:9

“O fun burgi a bu ŋɔ Agripa ni, ‘Mu fun lisi di mu zi kpak unu mu bambi ni kinkan di mu chɔk Yesu Nazarɛt nar sɔn.

Tuma 3:17

“Mu dɔŋtima, mu zimu di ma wa ma nihɛɛta wa fun zim chenani ma ya Yesu chen.

Tuma 4:17

Ma nyɛ ya tɛ ba nin di ba ta bu kpa Yesu sɔn a biksi nara, chen ni o wa zi mɔɔli a li tɔhɔn ti ni.”

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Tuma 9:14

Lalaknɔ o chiŋi Koosa dam kɔkɔɔrsi ta bar chiŋi ni a wa bar nɔ di o kpaksi ba naa maga kpa i sɔn a jɛɛmi hin.”

Tuma 9:16

Mu zi biksi un chenani o zi biksi ba a na namsi kinkanu.”

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.

3 Jɔn 1:7

Yesu daha baa gba tɔsa nan. Ba wara daŋni ba naa vɛ zim Koosa nyɛ ba kundɔŋ.

JɔnN Deesi 2:3

Ma di ma namsiu a wa kanyita ni mu daha a vɛ bur mu tiŋi ni,