Jɔn 13:14 - Tampulma

¹⁴ Mu waa naa ya ma kunyan ti a biksi ma Koosa wɛ, fa chaksi ma naŋgere ta. Ma gbanko kichaksi dɔŋa naŋgere.

Jɔn 13:14 Marejeleo ya Msalaba

Jɔn 11:2

Mɛri funɛ ya naa kpa tulale naa sɔɔra weree a la biti a du ya kunyan naŋgere ni a kpa o nyuksa a fiisi a. Wuzu digi Lazarus fun wa wi.

Tuma 20:35

Mu funɛ tum nannɛ di mu biksi ma chenani ma gbanko zi wa tum a koti a suŋi fara tima. Ma lisi chenani ya kunyana Yesu fun biksi ya. O funɛ ŋɔ, ‘Nar lisi a li o kin ni a nyɛ nandigi ni, o tuha zi sɔɔniu a kaali nara nyɛ un kina.’ ”

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.

1 Kɔr. 8:13

Adaha nɛmɛ mu zi se bur mu dɔŋtima gantɛl, mu wa zi bu se un, chen ni mu dɔŋtim ta wa zi wa chel.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 8:9

Ma zimu chenani ya kunyan Yesu Kristo funɛ daŋni ya a la suŋi ya kinkan. O funɛ kpa o kidamatiwa a ta, a fun a ya fara tiina ma daha, chen ni ma zi lau a li o kidamati ta ni.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Filip. Tima 2:11

Ba maga zi wa ŋɔ gbampulim niu di Yesu Kristo ya ba kunyan ti. Chen la zi nyɛ o nyana Koosa jirimau.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

1 Pita 4:1

Kristo funɛ nyɛn tɛɛnɛ nɔ maga ni, o funɛ namsiu kinkan. Chendaha ma gbanko kisaksi ma lise ma zi namsiu. Chenani ma namsi zi suŋi mau ma gil ma tum tagna awa ma titi daŋnɛ,

1 Pita 5:5

Nibaala, chen vɛɛna maa tiŋ ma nihɛɛta nɔɔna a ya jɛrgɛ tima. Ba fun a sɔbi a li Koosa sɛm tɔn ti ni, “Koosa vɛ ba naa la zer ba titi, amaa o suŋi ba naa ya jɛrgɛu.”