Jɔn 12:5 - Tampulma

⁵ “Haan nɔ fu kpa tulale nɔ a yogli malɛ damata a fu kpa a a nyɛ fara tim ni, chen fu wa bɔɔ?”

Jɔn 12:5 Marejeleo ya Msalaba

Mat. 18:28

“O tumtum ti fun li a la chem baal naa la tum koor ti wati. Baal ti funɛ pɛŋ tumtum ti malɛ tamnɛ. Tumtum ti fun la kpak baal ti baŋna a hɛmsi a ŋɔ un, ‘Bɔ min n malɛ naa i fun pɛŋ chen.’

Mat. 20:2

O funɛ lagmi ba, o fun ŋɔ ba di o zi bɔ a wuzu ti malɛu. Ba la nɔɔni ka o nyɛ ba kaali o ŋmaha ti.

Luk 12:33

Ma kpa ma kina maga a suŋi ba naa la daŋni a. Ma ta chiŋsɛ kidamata a li tɛɛnɛ nɔ maga ni. Ma ka chiŋsɛ kidamata a li Koosa tɔhɔn ti ni. Chau wa zi wa chɔk a ka ŋmɛɛrsa wa chɔk dɛ ti a ŋmɛ a dooni.

Luk 18:22

Yesu funɛ nu o sɛm ta, o fun ŋɔ un, “Wu bɛgim kaɛɛ i ha vɛ yaali. Kila a la kpa i kina maga a yogli a kpa malɛ ta a nyɛ fara tim ni. I ya chen, i zi wa na kinau a li Koosa wati a wa tiŋ min.”

Luk 6:41

“O chi danugil nyɛn ma dɔŋtiin se ni ka dagume nyɛn ma se ni. Yɛrɛ ma kaa ya a na danugil ti ma dɔŋtiin ti si ni?

Jɔn 12:4

Yesu gantɛl tiŋsi ta digi funɛ nyɛn doon ba yir un Judas Iskariɔt. Waa funɛ ya naa kaa li Yesu gantɛl. O fun ŋɔ,

Jɔn 12:6

Judas baga wa fun to di o suŋi fara tima. O funɛ nyini Yesu gantɛl tiŋsi ta malɛwa a la suŋi o titi a li malɛ ta ni.

Jɔn 13:29

Ba maga malɛ funɛ nyɛn Judas nin nee. Ba bɔnɛ fun lisi di Yesu ŋɔ un di o la yau wuzu zen ti diwe. Bɔnɛ ka fun lisi di Yesu ŋɔ un di o lisi malɛ ta bɔnɛ a la nyɛ fara tim ni.

Jɔn 6:7

Filip fun ŋɔ un, “Ya yau boroboro sidi tusugsa nyuu, o wa zi tel ba hali ba di tama.”