Jɔn 12:11 - Tampulma

¹¹ Ju tim nidamata funɛ gil ba nihɛɛta a nyɛ ba se su Yesu o funɛ lɛli Lazarus a li o sou ni daha. Chendaha ba fun ya chen.

Jɔn 12:11 Marejeleo ya Msalaba

Jɔn 11:42

Mu titi zimu di i nu mu nɔu, amaa mu sɛm nan a nyɛ hin di ba naa nyɛn bar nɔwa se su di hin funɛ tum min.”

Jɔn 11:45

Ju tim nidamata ba naa funɛ wa di ba wa zaami Mɛri awa Marta, fun na chenani Yesu tum a nyɛ ba se su un.

Jɔn 11:48

O lawa ya ya wu digiu o wati. Ya gil un o kaali, nara ta maga zi bur a tiŋ un. Ba ya chen, Roman tima ba naa dɔ ya, zi wa chɔk Koosa bar jɛɛmi dam tiu a kpu ya maga.”

Jɔn 12:10

Koosa dam kɔkɔɔrsa ba naa funɛ nyini nyinbaan di ba kpu Yesu, funɛ kpa Lazarus a gbaari un nɛɛ di ba kpu.

Jɔn 12:18

Chendaha zɛmɛ ta fun li di ba la chem Yesu. Ba funɛ daŋni ba na naa tum tum zen ti chen.

Jɔn 12:42

Ju tim nihɛɛ damata funɛ nyɛ ba se su Yesu, amaa ba wa fun nyɛ ba se su un a li gbampulim ni, domi ba funɛ ɔm Farisi tim tawa. Farisi tim ta zim chenani ba ya, ba zi duŋni bau a li ba bar lagmi dɛɛni ni.

Jɔn 7:31

Zɛmɛ ta nidamata se fun su un. Ba funɛ ŋɔ dɔŋ ni, “Kristo wa wa, o tum zene zi kaali baal nɔ tum zeneuu?”

Tuma 13:45

Ju tim ta bɔnɛ funɛ na zɛmɛ ta, ba funɛ di handɔta kinkan. Ba funɛ pini Pɔɔl zoma a ŋɔ o sɛm ta wa ya wuti.