Jɔn 11:19 - Tampulma

¹⁹ Nan daha, Ju tim ta nidamata funɛ piin nyɛn dooni di ba zaami Marta awa Mɛri ba maan ti luha.

Jɔn 11:19 Marejeleo ya Msalaba

Luk 10:39

O funɛ kpak niinbere. Ba yir un Mɛri. Yesu funɛ piili a biksi o gantɛl tiŋsi ta, Mɛri fun wa kani o suwachak ni aa nu o sɛm ta.

Luk 10:42

Chenani i ya diwe a nyɛ ya, chen weru, amaa ya zi di diwe ta petiu. Mu sɛm naa Mɛri nu, o ka zi kpak au o bambi ni hali saha naa vɛ kpak bɔ.”

Jɔn 1:19

Wuzu digi Ju tim ba naa nyɛn Jɛrusalɛm ni, fun tum Koosa dam kɔkɔɔrsa awa ba naa ba yir Livait bɔnɛ di ba la pɛɛsi Jɔn, “Hin ya Kristo naa Koosa fun ŋɔ di o kaa tumu wuzu digi chenn?”

Jɔn 11:1

Baal digi funɛ nyɛn doon. Ba yir un Lazarus. O fun nyɛn tɔhɔn naa ba yir Bɛtani ni. O toosa, Mɛri awa Marta, gbanko funɛ nyɛn doonee.

Jɔn 11:31

Ju tima, ba naa funɛ wa zaami Mɛri, funɛ na unu ka o si lalaga a li, ba gbanko fun si a tiŋ un. Ba fun baa di o la hugil ti munnɛ o la wi dooni.

Jɔn 11:33

Yesu funɛ na di o wa Ju tima ba naa funɛ tiŋ un chen, funɛ wiu, ba fun kpa ba tu chɔk ti a bu un o gbanko wi.

Jɔn 11:36

Ju tim ta bɔnɛ fun ŋɔ dɔŋ ni, “Wutirɛ o daŋni un kinkan.”

Jɔn 11:45

Ju tim nidamata ba naa funɛ wa di ba wa zaami Mɛri awa Marta, fun na chenani Yesu tum a nyɛ ba se su un.

Jɔn 11:8

Ba fun ŋɔ un, “Ya kunyana, chenani i kaa ya chen wa deŋli. O wa fun vusi ka Ju tima ba naa nyɛn dooni, fun pini buŋkula di ba yaksi hin.”

Room 12:15

Maa nyɛ ma tusa wa ba naa tusa sɔɔnɛɛ sɔɔni. Ma bukoo nyɛ ma tusa wa ba naa tusa chɔkɛɛ chɔk.

2 Kɔr. 1:4

O yaa belimi yau a li ya namsi maga ni. Domi o yaa suŋi ya chene, ya koti a chiŋi ya dɔŋtima gantɛl ni a li ba namsi ni.

1 Tɛs. 4:18

Ma ŋɔ laaboor weri nɔ a nyɛ dɔŋ ni aa kibelimi dɔŋa.

1 Tɛs. 5:11

Nan daha, ma kpami dɔŋa aa kisuŋi dɔŋa a chi chenani ma piinsa ya.