Jɔn 10:16 - Tampulma

¹⁶ Piisi bɔnɛwa mu dɔ ka a nyɛn bar digi ni. O lawa mu la a nu mu tau, chen ni a zi tiŋ minu. A wa mu piisisi ta lagmi dɔŋ ni, chen ni a zi ya kibɛgimu ka nigbaŋi bɛgim kinyini a.

Jɔn 10:16 Marejeleo ya Msalaba

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Luk 15:8

Yesu fun jɛɛgi jɛɛgɛ digi a ŋɔ ba, “Nihaan digi funɛ kpak malɛ aniita kin fi. A kibɛgim nyuksɛɛ, yɛrɛ o kaa ya? O zi suk fitinau a chaasi o dɛ a doso a nyini o bar mak ni hali a wa na un.

Jɔn 10:11

“Min la dɛɛsi mu piisisi ta a kaali piisi gbaŋsi maga. Hali mu saksɛu di mu sou a nyɛ a.

Jɔn 10:2

Naa yaa tiŋ bol zɔɔnɔ ti aa zu saha maga, waa ya piisi gbaŋna.

Jɔn 10:27

Mu zim mu piisisau ka a gbanko zim mu ta a la tiŋ min.

Jɔn 10:3

Bol zɔɔnɔ niili yaa puk bol zɔɔnɔ ti a nyɛ un. O yaa zu a yir o piisisi ta sɔna. A tiŋ un a li domi a zim o tau.

Jɔn 10:4

O wa a wa li, a yaa tiŋ o mun nee domi a zim o ta daha.

Jɔn 10:5

A yaa tiŋ o duŋduŋnɛ. Nandigi wa te a suwachak, a zi pisiu domi a vɛ zim o ta daha.”

Jɔn 11:52

O sɛm ta mun funɛ zen a kaali chenu. Yesu sou daha, Koosa bisa maga, ba naa pisi a go tɛɛne nɔ maga zi wa lagmi dɔŋ niu a ya nibɛgim.

Jɔn 17:20

“Mu ha vɛɛn a sumi hinu a nyɛ mu gantɛl tiŋsi ta ni a gbaari ba naa la zi nyɛ ba se su min a li ba biksi ti ni.

Jɔn 6:37

Ba naa mu nyan ti fun kpa nyɛ min chen, zi wa mu watiu n la ba du. Mu wa zi kut vɛ ba naa maga wa mu wati.

Tuma 15:14

Simɔn Pita fa ŋɔ ya di Koosa funɛ lisi ba naa vɛ ya Ju tim chen nidamata a nyɛ o titi ni. Nan biksɛɛ di Koosa daŋni bau.

Tuma 18:10

domi mu nyɛn i wati. Min dɔ ba naa nyɛn tɔhɔn nɔ nidamata. Chendaha nandigi wa zi koti a tum hin tum tagin.”

Tuma 22:14

O fun bukoo ŋɔ min, ‘I funɛ nyɛn nyinbaan ti ni a wa chene, Koosa naa ya nawaalsi ta funɛ jɛɛmi, nyɛ i na Yesu ka i wa un sɛm sɛma. Waa ya o tumtumna naa yaa tiŋ o tutɔ. Koosa funɛ lisi hin di i tum chenani o daŋni,

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

1 Pita 2:10

Saha digi o wa fun dɔ ma, amaa lalaknɔ o dɔ mau. O wa fun a ɔm ma siki saha digi, amaa ma la unu lalaknɔ.

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

JɔnN Deesi 3:20

Ma nu mu wati. Saha maga mu yaa chiŋi bulzɔɔnɔ nɛɛ a mo a la yir. Ba naa nu mu ta a puk bulzɔɔnɔ ti, mu zi zuu, chen ni ba wa min zi lagmiu a di diwe.