Jɔn 10:10 - Tampulma

¹⁰ Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

Jɔn 10:10 Marejeleo ya Msalaba

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Mat. 18:11

Mu waa nibine be funɛ wa dɛu a na ba naa nyuksɛɛ chen.))

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Mat. 21:13

a ŋɔ ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma wa kpa a burgi ŋmɛɛrsa bar kani.”

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Maak 11:17

O fun vɛɛn biksi nara tima. O funɛ biksi ba chene, o pɛɛsi ba, “Ma wa zim chenani ba fun sɔbi a du Koosa sɛm tɔn ti ni chenn? Ba funɛ sɔbiu di, ‘N dam nɔ ya nara maga Koosa bar jɛɛmi damnɛ.’ Ba funɛ sɔbi nannɛ, amaa ma waa kpa a burgi ŋmɛɛrsa bar kani.”

Luk 19:10

N waa min nibine be funɛ wa tɛɛnɛ nɔ maga di n wa dɛu ninyuksɛ ta a chi ma, chen ni Koosa wa zi bu na ba galimsa.”

Jɔn 10:1

Doone Yesu fun jɛɛgi jɛɛgi a ŋɔ ba, “Maa nu mu wati nɛnɛ. Nandigi zu piisisa bol dusum a vɛ tiŋ bol zɔɔnɔ a zuuli, ma zim di o ya ŋmɛɛrrɛ.

Jɔn 10:11

“Min la dɛɛsi mu piisisi ta a kaali piisi gbaŋsi maga. Hali mu saksɛu di mu sou a nyɛ a.

Jɔn 12:47

Mu wa zi di ba naa maga nu mu sɛma a vɛ tiŋ a nɔ sɛria. Mu wa fun wa di mu wa di tɛɛnɛ nɔ tim maga sɛria. Mu ka funɛ wa di mu wa lisi ba a li ba tum tagni nɛɛ.

Jɔn 12:6

Judas baga wa fun to di o suŋi fara tima. O funɛ nyini Yesu gantɛl tiŋsi ta malɛwa a la suŋi o titi a li malɛ ta ni.

Jɔn 3:17

Koosa wa fun tum o be di o wa di tɛɛnɛ nɔ maga nara sɛria, amaa o funɛ tum unu di o wa yisi ba a li ba tum tagna ni.

Jɔn 5:40

Ma ka wara daŋni ma wa mu wati a wa la mi fali ti.

Jɔn 6:33

Waa funɛ tum min a li o tɔhɔn ti ni di mu wa tɛɛnɛ nɔ maga, chen ni nara maga zi na nyinbaanu a la o mi fali naa vɛ kpak bɔ.”

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Room 2:21

Ma naa la biksi nara, yɛrɛ ma vɛ biksi ma titi? Ma ŋɔ di ba ta ŋmɛɛli a la ŋmɛ.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

Ju 6:17

Koosa fun kpa o sɔn a gbaari o vɔu ti ni di o biksi ba naa kaa wa la un di o wa zi chɔk un.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.