Jɔn 1:49 - Tampulma

⁴⁹ Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Jɔn 1:49 Marejeleo ya Msalaba

Mat. 14:33

O gantɛl tiŋsa ba naa funɛ kpalimi arŋ ti tuhu ni, funɛ jɛɛmi Yesu a ŋɔ, “Wutirɛ i ya Koosa bere.”

Mat. 2:2

Ba fun pɛɛsi nara, “Leene ba fun lul be naa kaa wa ya Ju tim koora chen? Ya wau di ya wa jɛɛmi un, domi ya na o wulu ka o li nha bar yɛli aa wa.”

Mat. 21:5

O funɛ sɔbiu a ŋɔ, “Ma la a la ŋɔ tɔhɔn naa ba yir Zaiyɔn chen nara ni. Ma koora naa ya jɛrgi tiina zi zini kokum be pɔlu a wa ma wati.”

Mat. 23:7

Ba yaa daŋni narawa kizaami ba a li yau ni a kinyɛ ba jirima a kiyir ba nibiksɛ.

Mat. 23:8

Ma ta daŋni sɔn aa nyɛ nara kiyir ma nibiksɛ. Ma maga ya niinbisiwa a kpak nibiksi bɛgim duŋduŋ.

Mat. 27:11

Yesu fun chiŋi Pailɔt suwachak ni. Pailɔt fun pɛɛsi un, “Hin ya Ju tim koor chenn?” O fun ŋɔ, “Chenani i kut ŋɔ chen.”

Mat. 27:42

“Maa na. O laata fun yisi nara chen a vɛ koti a yisi o titii? O funɛ ŋɔ di o ya Ju tim koorrɛ. Ma nyɛ ya na o zi yisi o titi daakakli ti ni a tu wa tɛɛnɛ, chen ni ya se zi su unu.

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Maak 15:32

O funɛ ŋɔ di o ya Ju tim Kristo koorre. Ma nyɛ ya na o zi lisi o titi daakakli ti ni a tu wa tɛɛnɛ, chen ni ya se zi su unu.” Ŋmɛɛrsi naa ba fun kpaasi a gbaari un ni chen, gbanko funɛ pini unu.

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Luk 19:38

“Koosa suŋi koor naa o tum ya wati nan, chen ni ya wa un zi bu ya nɔ bɛgimu. Ma nyɛ ya nyɛ Koosa jirima kinkan.”

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 1:34

Yesure mu fun na ka Koosa siim weri ti tu wa a zɔŋ o nyuhu ni. Wutirɛ mu ŋɔ ma di o ya Koosa bere.”

Jɔn 1:38

Ba funɛ nyɛn nyinbaan ni aa la chene, Yesu fun burgi a na di ba tiŋ un. O fun chiŋi a pɛɛsi ba, “Antirɛ ma daŋni?” Ba fun ŋɔ un, “Ya kunyana, ya dɛu hinnɛ. Leene i nyɛn?”

Jɔn 1:50

Yesu fun ŋɔ un, “Mu ŋɔ hinu di i funɛ kani i bugil barsɔn nɛɛ, mu zim chenani i bambi du ka i si su min. I wa wa na kizeneu a kaali nan.”

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 4:31

Haan ti funɛ nyɛn nyinbaan ni a la o tɔhɔn ti, Yesu gantɛl tiŋsi ta fun sumi un di o zer diwe a di.