Jɔn 1:42 - Tampulma

⁴² O fun kpa Simɔn a wa Yesu wati. Yesu fun a nyini un a ŋɔ, “Hin ya Simɔn, Jɔn be ti. Mu nyɛ hin sɔn faliu ba yir hin Sifas.” Sɔn ti mun ya ‘gbɛntɛl’.

Jɔn 1:42 Marejeleo ya Msalaba

Mat. 10:2

Nitumɛ nara fidalɛ na sɔna funɛ ya Simɔn (Yesu fun du un sɔn fali Pita), o niinbe Andiru, Jems awa o niinbe Jɔn, Zɛbɛdi bisa,

Maak 3:16

O nara fidalɛ ta sɔna funɛ ya Simɔn (Yesu fun du un sɔn fali Pita),

Luk 5:8

Simɔn Pita funɛ na chenani yɛɛ, o fun gbiri Yesu suwachak ni a ŋɔ, “Mu kunyana, mu ya tum tagna nitumirɛ. Mu wa hin wa kilagmi.”

Luk 6:14

Ba naa o fun lisi chen sɔna funɛ ya Simɔn (Yesu fun du un sɔn fali Pita), awa o niinbe Andiru, Jems, Jɔn, Filip, Bartɔlɔmi,

Jɔn 13:18

“Sɛm naa mu sɛm ma nan, mu wa sɛm a a nyɛ ma maga nɛɛ. Min zim ba naa mu lisi a li ma tuhu niu. Ba funɛ sɔbiu a li Koosa sɛm tɔn ti ni a ŋɔ, ‘Mu wa naa di diwe nan zi li mu gantɛlu.’ Chenani ba sɔbi, sɛm nama nan zi ya wutiu.

Jɔn 21:2

O gantɛl tiŋsa ba naa funɛ lagmi dooni, ya Simɔn Pita, Tɔmas ka o ya leu chen, Nataniɛl naa li Kena a li Galili pulum ni, Zɛbɛdi bisa lɛ awa nara balɛ.

Jɔn 4:16

Yesu fun ŋɔ un, “Kila a la yir i baal ma wa.”

1 Kɔr. 1:12

Ma amɔrɛ ti biksi di ma wa tiŋ nyinbaan bɛgim. Ma bɔnɛ ŋɔ di maa tiŋ Pɔɔllɛ, bɔnɛ Apɔlɔs, bɔnɛ Sifas, bɔnɛ ka ŋɔ di maa tiŋ Kristore.

1 Kɔr. 15:5

Pita fun bu te na un. Doone o nitumɛ fidalɛ ta fun bu na un.

1 Kɔr. 3:22

Pɔɔl, Apɔlɔs, Pita, tɛɛnɛ nɔ maga, miisa awa sou, a naa maga nyɛn lalaknɔ awa a naa vɛɛn kaa wa, ma kpak a magau.

1 Kɔr. 9:5

Kristo nitumɛ ta, ya kunyan ti niinbisa awa Pita, ba maga funɛ kpak haanasiwa. Ba wa ba haanasi ta la tiŋ dɔŋa a gba, mu gbanko wa kpak chen nyinbaan?

Gal. 1:18

Bunsa tora gantɛl ni, mu fun kaali Jɛrusalɛm di mu la na Pita, a nyɛn o wati wuzu fidanyuu,

Gal. 2:11

Wuzu bilɛ Pita fun wa dooni. O funɛ nyɛn doon chene, mu fun a fiksi un gbampulim ni di mu na o galimsau.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.