Jɔn 1:26 - Tampulma

²⁶ Jɔn fun ŋɔ ba, “Mu chaksi nara wa ni ni a saksi ba a pɔ baal naa la wa chen. Ma ha wa zim un. Hali o wa ya lagmi zinan.

Jɔn 1:26 Marejeleo ya Msalaba

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Mat. 3:6

Ba funɛ nu o biksi ti, ba fun la nɔɔni di ba tum tum tagnau ka o fun kpa ni a chaksi ba a li Jɔɔdan mɔɔga ti ni.

Maak 1:8

N kpa nire aa chaksi ma bara, amaa naa la wa chen, o ka wa kpa Koosa siim weri a du ma ni.”

Luk 3:16

Jɔn funɛ zim chenani ba lisiu a ŋɔ ba, “N kpa ni a chaksi ma bara. Naa nyɛn n gantɛl ni aa wa, o ka zi wa kpa Koosa siim weri tiu a du ma ni a chaksi ma a chi din zaamsi salma. Waa ya nihɛɛ a kaali min. N purɛu di mu ur a natausa a nyɛ un.

Jɔn 16:3

Ba zi tum nanu a nyɛ ma, domi ba wa zim min koo mu nyan ti.

Jɔn 17:25

Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 8:19

Ba fun pɛɛsi un, “Leene ya i nyan ti bar nyɛni?” Yesu fun ŋɔ ba, “Ma wa zim chenani mu du. Chendaha ma vɛ zim chenani mu nyan ti duuli. Ma fu zim min, chen fu zi nyɛ ma nyinbaanu ma zim mu nyan ti.”

Tuma 1:5

Jɔn funɛ chaksi nara wa nire, amaa o wa zi vusi ka Koosa chaksi ma wa o siim weri ti ni.”

Tuma 11:16

Doone mu fun lisi chenani ya kunyan ti fun biksi ya a ŋɔ, ‘Jɔn funɛ kpa nire a chaksi nara, amaa Koosa ka kaa kpa o siim weri tire a chaksi ma bambe.’

Tuma 19:4

Pɔɔl fun ŋɔ ba, “Jɔn funɛ chaksi ba naa gil ba tum tagna a bur tiŋ Koosa chene. O gbanko funɛ biksi Ju tim ta di ba nyɛ ba se wa su naa tiŋ o gantɛl a wa chen. Chen tiina ya Yesu.”

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.