Jɔn 1:17 - Tampulma

¹⁷ Koosa funɛ te kpa o chiksɛ a nyɛ Ju tim nawaal naa ba yir Mosis ni a zi tum Yesu Kristo di o wa biksi ya o wuti awa chenani o daŋni o suŋi ya.

Jɔn 1:17 Marejeleo ya Msalaba

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 5:45

Ma ta lisi di mu zi fiksi mau a li mu kunyan ti suwachak ni. Ma kpak bambi bɛgim a li ma nawaal Mosis awa chenani o fun biksi ma ni. Waa la zi fiksi ma,

Jɔn 7:19

Koosa chiksɛ naa Mosis fun kpa nyɛ ma nawaalsi ta ni chen, ma wa tiŋ a nɛnɛ. Yɛrɛ ma lisi min a ŋɔ di mu chɔk au a la daŋni ba kpu min?”

Jɔn 8:32

Ma tiŋ nan, ma zi nu wuti tiu ka wuti ti yisi ma a li yosi ni.”

Jɔn 9:29

Ya zim di Koosa funɛ sɛm sɛma a nyɛ Mosis ni, amaa naa lɛlɛ i se ta chen, ya wa zim doonani o li.”

Tuma 28:23

Ba fun la nɔɔni di ba wa Pɔɔl zi bu lagmiu. A wuzu ti fun wa tel, ba fun i a gbaari a wa doonani o nyɛn chen. A piili chɔɔsa hali nha wa chel, o fun biksi ba di saha naa Koosa zi wa dɔ nara telu mun. O fun karimi Koosa sɛm tɔn ti bar digi a li chiksɛ naa o fun lisi a nyɛ Mosis ni chen awa sɛm naa Koosa witinsi ta fun sɔbi di o biksi ba chenani o fun ŋɔ Yesu wɛ chen ya wutirɛ.

Tuma 7:38

Mosis ya naa wa ya nawaalsa Ju tim ta funɛ lagmi a li nyabaan ti ni. Koosa malaika ti fun ŋɔ un dooni a li bi Sainai a kpa Koosa chiksɛ naa biksi ba chenani ba zi nyɛn, a nyɛ un. Nannɛ ba fun kpa nyɛ ya di ya tiŋ.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

2 Kɔr. 1:20

Koosa funɛ tum Yesu di o nyɛ vɔwɛ naa maga Koosa fun kpa nyɛ nara ni a li o piili ti ni, chen ya wuti. Ya zaami Koosau a la nyɛ un jirima kinkan kin nama daha.

Gal. 3:17

Mu daŋni mu ŋɔ mau di Koosa awa Abraham funɛ ya nɔ bɛgimnɛ, ka Koosa fun vɔu di o zi dɛɛsi unu. Bun kɔksa naasi awa fumtora gantɛl ni, Koosa funɛ kpa o chiksɛ ta a nyɛ Mosis ni. A wa fun koti a chɔk chenani Koosa wa Abraham fun ya nɔ bɛgim awa o vɔwi ti.

Ju 9:22

Ju tim chiksɛ ta biksi ba di ba kpa sela chɛl a chaksi ba kina Koosa suwachak ni. O wa fun koti a yisi ba a li ba tum tagna ni, see ba te yoli sela chɛl ti a dau o suwachak ni.