Jɔn 1:14 - Tampulma

¹⁴ Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:14 Marejeleo ya Msalaba

Mat. 1:16

Jakɔb be funɛ ya Josɛf naa ya Mɛri baal. Mɛri funɛ ya Yesu niina. Yesu funɛ ya Kristo naa Koosa fun ŋɔ di o zi wa tumu wuzu digi chen.

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Luk 2:7

amaa dam naa hɔɔra fun nyɛn chen funɛ su wa nara ni. Chendaha o fun lul o tol be nibabichɛla a li sel bar nyɛni nɛɛ. O fun kpa gar a fɔu un a sak a diwe bar diili ni.

Luk 9:32

Pita awa o dɔŋtima funɛ chɔ dore. Ba fun yɛrsi a na Yesu wa nara balɛ ta ka ba chaani.

Jɔn 1:1

O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

Jɔn 11:40

Yesu fun ŋɔ un, “Mu piin ŋɔ hinu di i si su min, i zi na chenani Koosa tum tum zenu.”

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 14:9

Yesu fun ŋɔ un, “Filip, yɛrɛ i pɛɛsi min chen ni? Ma wa min nyɛn vusiu. I ha wa vɛɛn zim nibine naa ya minn? Nara maga na min, mu nyan tirɛ ba na chen.

Jɔn 17:22

I jirima awa i chaani naa i fun kpa nyɛ min chen, kinkan mu wa ba bɔnɛ un, chen ni ba zi ya nɔ bɛgimu dɔŋ ni a chi ya.

Jɔn 17:24

“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.

Jɔn 18:37

Pailɔt fun ŋɔ un, “Chenani i sɛm nan ya wuti, i sir ya koorree?” Yesu fun ŋɔ, “Chenani i kut ŋɔ chen. Ba funɛ lul minu mu wa tɛɛnɛ nɔ maga di mu waa biksi nara wuti ti wɛ. Ba naa la daŋni ba ya wuti tima nu mu sɛma.”

Jɔn 2:11

Chenani Yesu fun nyɛ ni ti burgi sin Kena ni a li Galili pulum ni chen, funɛ te ya o tum zen. O tum zen ti funɛ biksi o gantɛl tiŋsi ta di Koosa kpok nyɛn un ni. O tum zen ti daha ba se fun su un.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 3:18

“Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Jɔn 8:32

Ma tiŋ nan, ma zi nu wuti tiu ka wuti ti yisi ma a li yosi ni.”

Tuma 13:33

ya chenani o fun lɛli Yesu a li o sou ni a nyɛ ya naa ya ba bi lulɛ ni chen. Ba funɛ sɔbiu a li Koosa sɛm tɔn ti bar digi naa ba yir Saams chen ni di Koosa ŋɔ, ‘Zinan mu fa biksi narau gbampulim ni di mu ya i nyana.’

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

1 Kɔr. 15:47

Koosa funɛ te kpa hɛɛra a naami Adam, amaa Adam naa tiŋ gantɛl chen, Koosa funɛ tum un a li o tɔhɔn ti nɛɛ.

2 Kɔr. 12:9

O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Kɔl. 1:19

Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Kɔl. 2:3

Koosa zima awa nɛha maga nyɛn Kristo ni.

Kɔl. 2:9

Chenani Koosa du nyɛn Kristo bara nɛɛ.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 1:5

Ba funɛ sɔbi a li Koosa sɛm tɔn ti ni di o ŋɔ, “Zinan mu fa biksi narau gbampulim ni di mu ya i nyana.” Ba gbanko fun sɔbi di o ŋɔ, “Mu zi ya o nyanau ka o kaa ya mu be.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

Ju 2:11

Naa funɛ nyɛ Koosa yisi ya a li ya tum tagna ni, o nyana awa ya nyana ya nibɛgimnɛ lalaknɔ. Chendaha Yesu vɛ kpak hiisa di o yir ya o niinbisa.

Ju 5:5

Chen vɛɛna, Kristo wa fun lisi o titi di o ya ya Koosa dam kɔkɔɔra, chen ni ya zi nyɛ un jirimau. Ba fun a sɔbi a li Koosa sɛm tɔn ti ni di o ŋɔ un, “Zinan mu fa biksi narau gbampulim ni di mu ya i nyana.”

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.

JɔnN Deesi 19:13

Takta ziŋi naa o fun laari chen maga fun tɔ wa chɛl ni ka ba yir un ‘Koosa laaboor weri ti’.

JɔnN Deesi 21:3

Mu fun nu ta kpok a li Koosa jirima bar kani ni ka o ŋɔ, “Kinu mu wati. Lalaknɔ Koosa awa nibinsa zi lagmi nyɛnu. Ba zi ya o narau ka o ka ya ba Koosa.