Gal. 6:3 - Tampulma

³ Nar lisee di o ya nibin zenne a vɛ yaali, o mur o titirɛ.

Gal. 6:3 Marejeleo ya Msalaba

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Tuma 5:36

O wa fun vusi ka baal naa ba yir Tudas chen a ŋɔ di waa ya nara tima nyuhu tiina ka nara fun dugli kɔksa naasi a tiŋ un.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 3:18

Ma ta nyɛ nandigi wa mur o titi. O lisi di o kpak tɛɛnɛ nɔ tim maga zima, o kpa o zima ti a yo ta ka burgi wom, chen ni o zi kpak Koosa zimau.

1 Kɔr. 8:2

Nar lisi di o nɛɛgɛu, o wa zim kundɔŋ a chi chenani o fu zi zim,

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 3:5

Ya wa kikoti a kpa ya kpok a tum tuma a nyɛ Koosa ni. Waa kpa o kpok ti a nyɛ ya ya tum tuma a nyɛ un.

Gal. 2:6

Ba naa funɛ chi nihɛɛti ta dooni fun la nɔɔni di chenani mu biksi ba naa vɛ ya Ju tima ya wutirɛ. Ba wa fun kpa biksi digi a gbaari mu biksi ti ni. Mu baga wa fun to di ba wa ya nihɛɛti ta koo ba laata. Koosa wara di ya sɛria a li ya bara nɛɛ.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

Jems 1:22

Ma nu Koosa sɛma a vɛ tiŋ a, ma ya mur ma titirɛ.

Jems 1:26

Nar ŋɔ di oo tiŋ Koosa a vɛ doso wa o sɛm ni, o mur o titirɛ. O Koosa tiŋi ti ya yɔrirɛ.

1 Jɔn 1:8

Ya sɛmɛɛ di ya wara tum tum tagna, yaa mur ya titirɛ. Ya wa kpak wuti.