Gal. 6:14 - Tampulma

¹⁴ Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

Gal. 6:14 Marejeleo ya Msalaba

Luk 20:16

O zi wa kpak bau a kpu a kpa o ŋmaha ti a bu nyɛ nara bɔnɛ ni.” Nara tima funɛ nu chenani Yesu sɛm o sɛm ta peti, ba fun ŋɔ un, “Wutirɛ ba wa zi tum chen.”

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 6:2

Aai. Ya wa ya tum tagna wa kpak wu digi wa dɔŋ ni, yɛrɛ ya kaa tum tum tagna aa la?

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

1 Kɔr. 3:21

Adaha ma ta daŋni sɔn domi chenani tɛɛnɛ nɔ tim maga zima ti zi koti yau. Ma kpak kina magau.

2 Kɔr. 11:12

Mu wa zi chɛrgi chenani mu tum nan, chen ni nibiksɛ nama wa zi na nyinbaan a ŋɔ di ba tuma awa mu tuma ya kibɛgimnɛ.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 2:17

Lalaknɔ Koosa wa bu na ya galimsa, domi ya wa Kristo ya nibɛgimnɛ, chen biksi nara di ya funɛ te kpak galimsau o wati a la tum tum tagna. Chen gbanko biksi di ya Ju tim ta funɛ te kpak galimsau Koosa wati a la tum tum tagna, a chi ba naa vɛ ya Ju tima. Chen biksi di Kristo nyɛ ya tum tagna nitumɛɛ? Aai.

Gal. 2:19

Mu tiŋ o chiksɛ ta duŋduŋ, mu wa kikoti a tiŋ a a peti, a na galimsa o wati. Mu wa bu tiŋ chen. Lalaknɔ mu nyɛn a nyɛ Koosa nɛɛ. O chi mu wa Kristo sowɛɛ a li o daakakli ti ni,

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Gal. 3:21

Koosa chiksɛ ta awa o vɔwi ti yo dɔŋwaa? Aai. O chiksɛ ta fu nyɛ o koti a kpa o mi fali ti a nyɛ nibinsa ni, o fu wa zi na ba galimsa ba chiksɛ ta tiŋi daha.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Filip. Tima 3:18

Mu funɛ ŋɔ mau bu damata di nidamata vɛ Kristo daakakli biksi ti. Lalaknɔ mu bura ŋɔ mau awa siini ni.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,