Gal. 6:12 - Tampulma

¹² Ba naa la daŋni sɔna nara suwachak ni, ba waa la daŋni ba muksi ma di ba teŋsi ma. Ba daŋni ba teŋsi ma chene, chen ni nandigi wa zi nyɛ ba na namsi. Ba wa la nɔɔni di chenani ma se su Kristo naa funɛ sou a li o daakakli ti ni, magu.

Gal. 6:12 Marejeleo ya Msalaba

Mat. 23:27

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma chi hugilsa a naa bara weree ka hoga awa birsa su a tusiwa.

Mat. 23:28

Chene ma vɛɛn a mur nara di ma tum tum werewa, amaa ma tusa su wa tum tagna awa nusunsiwa.”

Mat. 23:5

Ba fun kpa Koosa sɛm tɔn ti kiwiwisa a naa ba fun guti a vɔti ba tilsa awa ba nisa, ba funɛ gutiu a zen. Zɔsɛ naa ba fun kpa gbaari ba kilaarɛ ziŋziŋɛ ni, ba fun nyɛ a gbanko zen. Ba funɛ ya chene di nibinsa nyɛ ba sɔna.

Mat. 5:10

Ba naa nara muksi kinkan domi baa tum chenani Koosa daŋni ba tumnɛ, o zi wa dɔ bau a nyɛ ba tu sɔɔna.

Mat. 6:16

“Ma vɔti nɔɔna, ma ta nyɛ ma se nyakmi a chi ba naa vɔti nɔɔna a li gbampulim ni. Ba waa bɔrsi ba se, chen ni nara maga zi zim di ba vɔti nɔɔniwa. Ma nu mu sɛma. Ba waa piin na ba papahau.

Mat. 6:2

“Adaha ma yaa tum tum were a nyɛ nara ni, ma ta mo luŋa yau ni awa ma bar lagmi dɛɛni ta ni a daŋni sɔn a chi nara bɔnɛ tum. Ba tum chene di nara pɛgi ba. Ma nu mu sɛma. Chenani nara pɛgi ba ya ba papaha.

Mat. 6:5

“Ma sumi Koosa, ma ta sumi a li gbampulim ni. Nara bɔnɛ daŋni ba chiŋi yau ni awa ba bar lagmi dɛɛni nɛɛ a sumi Koosa di nara na ba a pɛgi ba. Ma nu mu sɛma. Chenani nara pɛgi ba ya ba papaha,

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Luk 20:47

Ba yaa zaami Koosa wa ba zaamirɛ a vusi a bu ŋmɛ luhaana kina. Koosa wa di ba sɛria, ba zi wa na namsiu kinkan a kaali ba dɔŋtima.”

Jɔn 7:18

Naa sɛm o titi sɛma daŋni narawa kinyɛ un jirima. Nar ka daŋni o nyɛ naa tum un chen, jirima ya wuti tiinnɛ. Nusuna wa to un ni.

Tuma 15:1

Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”

Tuma 15:5

Saha ti Yesu nitiŋɛ ba naa ya Farisi tim ta bɔnɛ fun si chiŋi ba suwachak ni a ŋɔ, “O lawa Yesu nitiŋɛ ta tiŋ Ju tim chiksɛ tau a nyɛ ba teŋsi ba.”

2 Kɔr. 10:12

Nara nama ya womniwa kinkan. Ba lisiu di ba ya nibin zenewa. Ba wara daŋni ba kpa ba titi a lagmi ya ni. Ba funɛ naami ba titi chiksɛ a la tiŋ a.

2 Kɔr. 11:13

Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 2:3

Taitus naa funɛ nyɛn mu wati, funɛ ya Girik timwa, amaa ba wa fun muksi un di ba teŋ un.

Gal. 5:11

Mu niinbisa, mu biksi di o lawa ba teŋsi ba naa la tiŋ Yesu, yɛrɛ Ju tim ta ha vɛɛn a muksi min kinkan? Mu biksi nara nan ni, ba wa zi muksi min. Mu zi kotiu a biksi nara di Kristo funɛ sou a li o daakakli ti ni a ta na muksi.

Gal. 6:13

Hali ba naa teŋsee tiŋ Koosa chiksɛ ta a chel. Ba daŋni ba teŋsi ma, chen ni ma waa la zi ya ba jirima nara.

Filip. Tima 1:15

Nara bɔnɛ ba naa kpak handɔta min ni, ba biksi narawa Kristo wɛ. Bɔnɛ ka biksi o wɛ a suŋi min.

Filip. Tima 2:4

Ma ta nyini ma titi kina duŋduŋ, amaa ma nyini ma dɔŋtima kina wɛ gbanko.

Filip. Tima 3:18

Mu funɛ ŋɔ mau bu damata di nidamata vɛ Kristo daakakli biksi ti. Lalaknɔ mu bura ŋɔ mau awa siini ni.

Kɔl. 2:23

Chenani ba daŋni ba nyɛ malaikasa jirima a kilisi di ba ya nibin jɛɛgɛwa a kimuksi ba bara kinkan, nyɛ nara lisi di ba kpak zimau. Kin nama wa zi nyɛ ba gil ba tutɔ daŋnɛ.