Gal. 5:25 - Tampulma

²⁵ Koosa siim weri ti funɛ kpa o mi fali ti a nyɛ ya. Chendaha o lawa ya gbanko nyɛ o kpa o kpok tiu a nyɛ ya yaa tiŋ un nɛnɛ.

Gal. 5:25 Marejeleo ya Msalaba

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Room 8:10

Kristo nyɛn ma ni, ma bara zi sou ma tum tagna daha. Amaa Koosa wa bu na ma galimsa. Chendaha ma siima kpak o mi fali tiu.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

Gal. 5:16

Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.

JɔnN Deesi 11:11

Wuzu butora awa wuzu bore gantɛl ni, Koosa fun tum o siim weri ti di o lɛli ba a li ba sou ni. Nara funɛ na ba ka ba bu chiŋi, hansura fun kpak ba kinkan.