Gal. 5:21 - Tampulma

²¹ a nyɔ sin a dɛɛsi a lagmi a di diwe kinkan a la tum tum tagna kinkan. Mu funɛ te tɛ ma ninu kin nama daha. Mu bukoo tɛ ba naa la tum tuma a chi nan ninu di ba wa zi wa zu Koosa koor ti.

Gal. 5:21 Marejeleo ya Msalaba

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

1 Kɔr. 15:50

Mu niinbisa, ma nyɛ mu ŋɔ ma nan. Ya bara titi wa kikoti a zu Koosa koor ti ni. Kinkin naa la zi wa pɔ wa kikoti a wa nyɛn doonani kin naa vɛ pɔɔli ni.

1 Kɔr. 5:11

Amaa mu funɛ sɔbiu a nyɛ ma a ŋɔ di nibine daŋni nihaana yɔri yɔri a daŋni malɛ a burgi o kina a jɛɛmi vuga a chɔk nara sɔna a nyɔ sin a dɛɛsi a ŋmɛ a la yir o titi Yesu nitiŋi a la ya nan, ma ta nyɛ ma wa n lagmi hali a di diwe.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

Kɔl. 3:6

Koosa na paanu a du ba naa la ya chen tim ni. Wuzu digi o zi wa lɛrgi ba naa vɛ tiŋ o nɔ diŋsau.

1 Tɛs. 5:7

Dusum nɛ nara nyɔ sin aa dɛɛsi a la chɔ do.

2 Tɛs. 2:5

Ma wa lisi saha naa mu fun nyɛn ma wati chenn? Mu funɛ ŋɔ ma a nama maga wɛu.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

1 Pita 4:3

Saha digi ma wa ba naa funɛ vɛ zim Koosa, funɛ lagmi dɔŋ ni. Chenani ma funɛ tum tuma a chi ba, chen saha ti funɛ magu. Ma funɛ tum chɔkumsi tuma a la daŋni ma titi daŋnɛ ka ma wa ma chɛnsa lagmi a di diwe a la nyɔ sin di ma dɛɛsi aa la nyɛ vursa wa jirima yɔri yɔri.

JɔnN Deesi 21:27

Tum tagna nitumɛ awa ba naa tum chɔkumsi tuma a la suni wɛ, ba wa zi koti a zu dooni. Ba naa ba fun sɔbi ba sɔna a du piisi be ti mi fali tɔn ti ni duŋduŋ la zi zu dooni.

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.