Gal. 5:19 - Tampulma

¹⁹ Ma zim chenani nara titi daŋnɛ duu. Saha maga baa tum sakaal tumwa awa chɔkumsi tuma.

Gal. 5:19 Marejeleo ya Msalaba

Jɔn 3:6

Nibinsa la lul dɔŋa. Koosa siim weri ti kpa o mi fali ti a du nar ni, o gbanko nyɛn un ni.

Room 7:18

Mu zimu di tum were wa nyɛn mu gantɛl tuha wɛ ni hali tama. Saha maga mu yaa daŋni muu tum tum werewa a luk ku.

Room 7:25

Koosa funɛ kotiu a yisi min a li un ni ya kunyana Yesu Kristo daha. Chendaha mu zaami un kinkan. Ma nyɛ mu lagmi a nama a ŋɔ ma. Muu tiŋ Koosa chiksɛ ta wa mu bambi lise ni aa la tiŋ tum tagna wa mu bara ni.

Room 7:5

Ya funɛ tiŋ ya gantɛl tuha kinawa, chiksɛ ta kpa kpok a nyɛ ya titi daŋnɛ ni di ya tiŋ a. Ba naa maga tiŋ chen, Koosa zi ta ba yɔriu,

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 8:5

Ba naa nyɛ ba bara dɔ ba, ba waa la lisi di ba bara kina ya kibirigewa. Amaa ba naa ka nyɛ Koosa siim weri ti dɔ ba, ba waa la lisi di o kina ya kibirige.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

1 Kɔr. 6:18

Adaha ma chɔ li doonani chɔkumsi nyɛn. Wu tagin maga naa nara tum, a wa ya ba barawa baa ya chen. Amaa nibine naa la daŋni nihaana yɔri yɔri, o chɔk o titi barawa.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Gal. 5:17

Ma tutɔ la yo chenani Koosa siim weri ti daŋni maa tiŋ. Chenani o siim weri ti daŋni ma nyɛn yo ma tutɔ daŋnɛ tau. O siim weri ti awa ma tutɔ daŋnɛ ya dɔmawa. Chendaha o bɔm ma wati di ma tum chenani maa daŋni.

Gal. 6:8

O tiŋ o titi daŋnɛ, a zi bur wa o watiu a chɔk un. O ka tiŋ chenani Koosa siim weri ti daŋni, a zi bur wa o watiu. Waa la zi kpa o mi fali naa vɛ kpak bɔ a nyɛ un hali o wa peti.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.